Тошкентда пандемия билан кураш давомида жонини фидо қилган тиббиёт ходимлари хотирасига бағишланган акция бошланди, деб хабар бермоқда пойтахт ҳокимлиги матбуот хизмати.
Қайд этилишича, 11 декабрь куни соат 10:00 да Ғалаба боғига кириш олдидаги майдончада Хотира хиёбонини ташкил қилиш ишларига старт берилади. Биринчи босқичда 61 та дарахт: чинор, қайрағоч ва акациялар экилади.
Акция Ўзбекистон Ландшафт санъати уюшмаси ва Олмазор туман ҳокимлиги ташаббуси билан ташкил этилмоқда.
Соғлиқни сақлаш вазирлиги шу кунгача қанча тиббиёт ходими коронавирус билан кураш давомида вафот этгани ҳақида маълумот бермаган. «Фидокорлар» Telegram-канали маълумотларига кўра, 2020 йилда Ўзбекистонда 485 дан ортиқ тиббиёт ходимлари вафот этган.
Изоҳ (0)