Andijonda Qirg‘izistondan “avtotransport vositasini qaytarib olib chiqish to‘g‘risida”gi majburiyatnoma asosida olib kirilgan BMW X5 mashinasi bo‘laklarga bo‘lib sotib yuborildi, deb xabar qilmoqda Davlat bojxona qo‘mitasi.
Ma’lum qilinishicha, Andijon viloyati Bojxona boshqarmasi “Do‘stlik” chegara bojxona postining kontrabanda va bojxona qonunchiligi buzilishiga qarshi kurashish guruhi tomonidan postning chiqish avtoyo‘lagi orqali O‘zbekistondan Qirg‘izistonga chiqib ketayotgan O‘zbekiston fuqarosi boshqaruvidagi Isuzu avtotransport vostitasi ko‘zdan kechirilgan. Natijada mashina yukxonasida boshqaruvga yaroqsiz BMW X5 borligi aniqlangan.
Qayd etilishicha, o‘rganish natijasida avtomobildagi raqam texnik guvohnomasi bilan solishtirilganda 17-avgust O‘zbekiston hududiga shu chegara posti orqali qaytib olib chiqish majburiyati asosida olib kirilgan BMW X5 emasligi, balki boshqa mashinaga shu nomerni qo‘yib, agregator raqamlarni qo‘lbola usulda bosgan holda bojxona chegarasi orqali aldash yo‘li bilan olib chiqilayotgani ma’lum bo‘lgan. Bozor bahosi 100 million so‘mlik mashina esa O‘zbekiston hududida deklaratsiyalanmasdan ehtiyot qismlarga bo‘lib, ishlatib yuborilgan.
Ta’kidlanishicha, mashinani qidirib topish choralari ko‘rilgan va transport vositasi turgan joy tezkor qidiruv tadbirlari davomida aniqlangan. Boshqaruvga yaroqsiz, texnik nosoz mashina vaqtincha saqlovga olingan.
Izoh (0)