Андижонда Қирғизистондан «автотранспорт воситасини қайтариб олиб чиқиш тўғрисида»ги мажбуриятнома асосида олиб кирилган BMW X5 машинаси бўлакларга бўлиб сотиб юборилди, деб хабар қилмоқда Давлат божхона қўмитаси.
Маълум қилинишича, Андижон вилояти Божхона бошқармаси «Дўстлик» чегара божхона постининг контрабанда ва божхона қонунчилиги бузилишига қарши курашиш гуруҳи томонидан постнинг чиқиш автойўлаги орқали Ўзбекистондан Қирғизистонга чиқиб кетаётган Ўзбекистон фуқароси бошқарувидаги Isuzu автотранспорт воститаси кўздан кечирилган. Натижада машина юкхонасида бошқарувга яроқсиз BMW X5 борлиги аниқланган.
Қайд этилишича, ўрганиш натижасида автомобилдаги рақам техник гувоҳномаси билан солиштирилганда 17 август Ўзбекистон ҳудудига шу чегара пости орқали қайтиб олиб чиқиш мажбурияти асосида олиб кирилган BMW X5 эмаслиги, балки бошқа машинага шу номерни қўйиб, агрегатор рақамларни қўлбола усулда босган ҳолда божхона чегараси орқали алдаш йўли билан олиб чиқилаётгани маълум бўлган. Бозор баҳоси 100 миллион сўмлик машина эса Ўзбекистон ҳудудида декларацияланмасдан эҳтиёт қисмларга бўлиб, ишлатиб юборилган.
Таъкидланишича, машинани қидириб топиш чоралари кўрилган ва транспорт воситаси турган жой тезкор қидирув тадбирлари давомида аниқланган. Бошқарувга яроқсиз, техник носоз машина вақтинча сақловга олинган.
Изоҳ (0)