COVID-19 koronavirus infeksiyasiga chalingan bemorlarni davolashda avval koronavirusdan tuzalganlarning qon plazmasini quyish mazkur terapiyaga sarflanadigan xarajatlarni oqlamaydi. Bu haqda Jahon sog‘liqi saqlash tashkilotining COVID-19 bo‘yicha yangilangan tavsiyalarida bayon etilgan.
JSSTning Tavsiyalarni ishlab chiqish guruhi (GDG) endi bu boradagi nuqtayi nazarini o‘zgartirdi: ekspertlar kasallikning og‘ir va o‘ta og‘ir bosqichlarida qon plazmasini quyishni tavsiyalarga kiritmagan, shuningdek, ular infeksiyaning uncha og‘ir bo‘lmagan bosqichida ham buni amalga oshirmaslikni masalahat bergan.
Tavsiyalar 16 236 nafar bemorda o‘tkazilgan 16 ta random (elektron qur’a orqali tanlab olingan) qilingan nazoratdagi tadqiqotlardan keyin yangilangan.
“GDG qon plazmasini quyish yengil, og‘ir va o‘ta og‘ir holatdagi bemorlarni davolashda o‘lim xavfi darajasini kamaytirish yoki sun’iy havo yetkazib berish tomonidan yaqqol samarali emas deb topdi, shu bilan birga qon plazmasini quyish jarayoni va narxiga ham o‘ziga xos talablar mavjud. GDG mazkur tavsiya orqali koronavirusdan o‘lim darajasi pasaygan vaqtda va boshqa muhim klinik yakunlarda bemorga va ayniqsa ahvoli uncha og‘ir bo‘lmaganlarga dorilar yuborish o‘zini oqlamasligi yuzasidan o‘z pozitsiyasini ma’lum qilgan”,— deyiladi yangilangan tavsiyalarda.
Noyabr boshida COVID-19’ning og‘ir shaklida donorlik plazmasidan foydalanib kelinayotgan Moskvada bitta donatsiya uchun narx 5 ming rubldan 10 mingga oshgandi. Shahar meri Sergey Sobyanin mazkur holat donorlarga qo‘shimcha moddiy daromad keltirishi mumkinligi haqida gapirgan.
Avvalroq JSST koronavirusning yangi “omikron” shtammi bilan bog‘liq tavsiyalarini e’lon qilgan. Noyabr oxiri holatiga ko‘ra butun dunyoda “omikron” shtammi tarqalishining ehtimoli juda yuqori deb baholangan, biroq mazkur kasallik shaklining og‘ir oqibatlarga olib kelish-kelmasligi borasida aniq xulosalar mavjud emas. Xalqaro tashkilotlar vakillarining fikricha sayohatlarni taqiqlash virus tarqalishining oldini olmaydi.
Izoh (0)