COVID-19 коронавирус инфекциясига чалинган беморларни даволашда аввал коронавирусдан тузалганларнинг қон плазмасини қуйиш мазкур терапияга сарфланадиган харажатларни оқламайди. Бу ҳақда Жаҳон соғлиқи сақлаш ташкилотининг COVID-19 бўйича янгиланган тавсияларида баён этилган.
ЖССТнинг Тавсияларни ишлаб чиқиш гуруҳи (GDG) энди бу борадаги нуқтаи назарини ўзгартирди: экспертлар касалликнинг оғир ва ўта оғир босқичларида қон плазмасини қуйишни тавсияларга киритмаган, шунингдек, улар инфекциянинг унча оғир бўлмаган босқичида ҳам буни амалга оширмасликни масалаҳат берган.
Тавсиялар 16 236 нафар беморда ўтказилган 16 та рандом (электрон қуръа орқали танлаб олинган) қилинган назоратдаги тадқиқотлардан кейин янгиланган.
«GDG қон плазмасини қуйиш енгил, оғир ва ўта оғир ҳолатдаги беморларни даволашда ўлим хавфи даражасини камайтириш ёки сунъий ҳаво етказиб бериш томонидан яққол самарали эмас деб топди, шу билан бирга қон плазмасини қуйиш жараёни ва нархига ҳам ўзига хос талаблар мавжуд. GDG мазкур тавсия орқали коронавирусдан ўлим даражаси пасайган вақтда ва бошқа муҳим клиник якунларда беморга ва айниқса аҳволи унча оғир бўлмаганларга дорилар юбориш ўзини оқламаслиги юзасидан ўз позициясини маълум қилган»,— дейилади янгиланган тавсияларда.
Ноябрь бошида COVID-19’нинг оғир шаклида донорлик плазмасидан фойдаланиб келинаётган Москвада битта донация учун нарх 5 минг рублдан 10 мингга ошганди. Шаҳар мери Сергей Собянин мазкур ҳолат донорларга қўшимча моддий даромад келтириши мумкинлиги ҳақида гапирган.
Аввалроқ ЖССТ коронавируснинг янги «омикрон» штамми билан боғлиқ тавсияларини эълон қилган. Ноябрь охири ҳолатига кўра бутун дунёда «омикрон» штамми тарқалишининг эҳтимоли жуда юқори деб баҳоланган, бироқ мазкур касаллик шаклининг оғир оқибатларга олиб келиш-келмаслиги борасида аниқ хулосалар мавжуд эмас. Халқаро ташкилотлар вакилларининг фикрича саёҳатларни тақиқлаш вирус тарқалишининг олдини олмайди.
Изоҳ (0)