Navoiy viloyati Qiziltepa tumanida “S.T.” MChJ mas’ul shaxslari polietilen suv quvurlarini o‘zboshimchalik bilan qovlab olgani aniqlandi. Bu haqda Iqtisodiy jinoyatlarga qarshi kurashish departamenti xabar qildi.
Ma’lum qilinishicha, Bosh prokuratura huzuridagi departamentning Qiziltepa tuman bo‘limi tomonidan o‘tkazilgan tergovga qadar tekshiruvda “S.T.” MChJ mas’ul shaxslari hududdagi ichimlik suvi quvurlarini ta’mirlash jarayonida “Navoiy suv ta’minoti” MChJ balansidagi 1190,6 metr polietilen quvurlarni hech qanday hujjatlarsiz, o‘zboshimchalik bilan kovlab olgani aniqlangan. Oqibatda davlat va jamiyat manfaatlariga 196,5 million so‘m zarar yetkazilgan.
Qayd etilishicha, holat yuzasidan Jinoyat kodeksining 229-moddasi (o‘zboshimchalik) bilan jinoyat ishi qo‘zg‘atilib, tergov harakatlari olib borilmoqda.
Izoh (0)