Adliya vazirligi “Davlat boji to‘g‘risidagi O‘zbekiston Respublikasi qonuniga o‘zgartirish va qo‘shimchalar kiritish to‘g‘risida”gi qonun loyihasini muhokamaga qo‘ydi.
Qonun loyihasi bilan davlat boji stavkalari miqdorlari unifikatsiya, optimizatsiya qilinmoqda va kamaytirilmoqda.
Masalan, avtomototransport vositalarini boshqa shaxsga o‘tkazish avtotransport uchun BHMning 3 baravari (810 ming so‘m) miqdorida belgilanmoqda. Amaliyotda avtomobilning yili va ot kuchiga qarab 2,7 million so‘mgacha borar edi.
Shuningdek, loyihada ko‘chmas mol-mulkni boshqa shaxsga o‘tkazishni rasmiylashtirish Toshkent, Nukus va viloyat markazlarida BHMning 1,5 baravari (405 ming so‘m) miqdorida belgilash ko‘zda tutilmoqda.
Avvalroq Doniyor G‘aniyev ikkilamchi bozordagi avtomobillar oldi-sotdisidagi bojlarni pasaytirishni so‘rab deputatlik so‘rovi yuborgani, mazkur so‘rovga Moliya vazirligi 2022-yil budjet parametrlarini shakllantirishda avtotransport vositalarini sotib olganlik uchun undiriladigan yig‘imlarni bekor qilish ko‘zda tutilayotganini ma’lum qilgani to‘g‘risida xabar berilgandi.
Izoh (0)