Футбол бўйича Англия Премьер Лигасининг 14-туридан ўрин олган икки учрашув 2 декабрь, пайшанба куни бўлиб ўтди.
«Манчестер Юнайтед» ўз майдонида «Арсенал» билан баҳс юритди ва иродали ғалабага эришди. Дастлаб 13-дақиқада Эмиль Смит-Роу меҳмонларни ҳисобда олдинга олиб чиқди. Бироқ биринчи бўлим сўнгида Бруну Фернандеш мувозанатни тиклади. Томонлар шу ҳисобда танаффусга йўл олди.
52-дақиқага келиб, Криштиану Роналду мезбонларни ҳисобда олдинга олиб чиққанди. Аммо орадан икки дақиқага ўтиб, Мартин Эдегор ҳисобни тенглаштирди. 70-дақиқада эса Роналду дублни расмийлаштирган ҳолда ўйинга якуний нуқтани қўйди — 3:2.
Қайд этиш керак, Роналду ушбу баҳсда фаолиятидаги голлари сонини 801 тага етказиб олди.
Шу тариқа «Манчестер Юнайтед» умумий ҳисобда 5 та гол урилган ўйинда иродали ғалабани тантана қилди. Ғалабадан сўнг жамоанинг очколари 21 тага етди, «қизиллар» мусобақа жадвалида 7-ўриндан жой олган. «Арсенал» эса 23 23 очко билан 5-поғонани банд этган.
«Тоттенҳэм» Лондонда «Брентфорд»дан устун келди. «Шпорлар» автогол ҳамда Сон Ҳён Миннинг фаоллиги эвазига 3 очколик бўлди.
АПЛ
14-тур баҳслари
2 декабрь, пайшанба
«Манчестер Юнайтед» – «Арсенал» 3:2
Голлар: 0:1 – 13 Смит-Роу, 1:1 – 44 Бруну Фернандеш, 2:1 – 52 Роналду, 2:2 – 54 Эдегор, 3:2 – 70, пенальти Роналду.«Манчестер Юнайтед» – Де Хеа, Диогу Далот, Линдельоф, Магуайр, Теллес, Рэшфорд (Лингард, 79), Бруну Фернандеш (ван де Бек, 90), Санчо, Мактоминей, Фред, Роналду (Марсьяль, 88).
«Арсенал» – Рэмсдейл, Томиясу, Уайт, Габриэль, Нуну Тавареш, Мартинелли, Парти, эн-Ненни, Эдегор (Нкетиа, 79), Смит-Роу (Сака, 70), Обамеянг (Ляказетт, 79).
Огоҳлантириш: Мактоминей (45).
«Тоттенҳэм» – «Брентфорд» 2:0
Голлар: 1:0 – 12, автогол Канос, 2:0 – 65 Сон Ҳён Мин.«Тоттенҳэм» – Льорис, Дайер, Санчес, Дэвис, Скипп, Эмерсон (Танганга, 83), Ҳёйбьерг, Лукас Моура (Уинкс, 77), Сони Ҳён Мин (Бергвейн, 87), Регилон, Кейн.
«Брентфорд» – Альваро Фернандес, Гуд, Янссон, Пиннок, Канос (Висса, 70), Онека (Баптист, 56), Нергор, Янелт (Йенсен, 70), Генри, Тоуни, Мбемо.
Изоҳ (0)