O‘zbekistonda qurilishlarda zamonaviy qurilish materiallarini ishlatish 25 foizga ham yetmaydi. 2022-yilda quriladigan loyihalarning kamida 50 foizida zamonaviy mahsulotlar ishlatilishi shart. Bu haqda Prezident Shavkat Mirziyoyev raisligida ipoteka va qurilish materiallari mavzusidagi videoselektor yig‘ilishida ma’lum qilindi, deya xabar bermoqda “Daryo” muxbiri.
Qurilish vazirligi bir oy muddatda uy-joylar qurishda o‘zini oqlagan, qurilish xarajatlarini kamaytiradigan va energiya tejamkor yangi materiallarni shaharsozlik normalari va qoidalariga kiritishi bo‘yicha topshiriq berildi.
“Qurilish vazirligi ikki oy muddatda Toshkent va Samarqand arxitektura-qurilish oliygohlarini transformatsiya qilish bo‘yicha qarorlar loyihasini kiritsin”, – deydi prezident.
Davlat rahbari zamonaviy materiallarni ishlatish hisobiga qurilish muddatini 30 foizga, tannarxni esa 20 foizga kamaytirish mumkinligini aytib, Ohangaron tumanida avtoklav gazoblok ishlab chiqarish yo‘lga qo‘yilganini misol sifatida qayd etdi.
Shuningdek, 2022-yilda qurilish materiallariga ixtisoslashgan 24 ta tumanda geologiya ishlarini o‘tkazishga 100 milliard so‘m ajratilishi belgilandi.
Mavzuga doir:
- Shavkat Mirziyoyev: “2022-yilda ipoteka dasturlari doirasida 13 trillion so‘m maqsadli kredit va 1,3 trillion so‘m subsidiya ajratiladi”
- O‘zbekistonda endi xonadon sotib olayotgan ehtiyojmand aholiga dastlabki badalning bir qismini qoplash uchun 32 million so‘m subsidiya to‘lanadi
- Shavkat Mirziyoyev budjetdan maqsadli kreditlar uchun ajratilgan qancha mablag‘ o‘zlashtirilmasdan turganini aytdi
Izoh (0)