Ўзбекистонда қурилишларда замонавий қурилиш материалларини ишлатиш 25 фоизга ҳам етмайди. 2022 йилда қуриладиган лойиҳаларнинг камида 50 фоизида замонавий маҳсулотлар ишлатилиши шарт. Бу ҳақда Президент Шавкат Мирзиёев раислигида ипотека ва қурилиш материаллари мавзусидаги видеоселектор йиғилишида маълум қилинди, дея хабар бермоқда «Дарё» мухбири.
Қурилиш вазирлиги бир ой муддатда уй-жойлар қуришда ўзини оқлаган, қурилиш харажатларини камайтирадиган ва энергия тежамкор янги материалларни шаҳарсозлик нормалари ва қоидаларига киритиши бўйича топшириқ берилди.
«Қурилиш вазирлиги икки ой муддатда Тошкент ва Самарқанд архитектура-қурилиш олийгоҳларини трансформация қилиш бўйича қарорлар лойиҳасини кирицин», – дейди президент.
Давлат раҳбари замонавий материалларни ишлатиш ҳисобига қурилиш муддатини 30 фоизга, таннархни эса 20 фоизга камайтириш мумкинлигини айтиб, Оҳангарон туманида автоклав газоблок ишлаб чиқариш йўлга қўйилганини мисол сифатида қайд этди.
Шунингдек, 2022 йилда қурилиш материалларига ихтисослашган 24 та туманда геология ишларини ўтказишга 100 миллиард сўм ажратилиши белгиланди.
Мавзуга доир:
- Шавкат Мирзиёев: «2022 йилда ипотека дастурлари доирасида 13 триллион сўм мақсадли кредит ва 1,3 триллион сўм субсидия ажратилади»
- Ўзбекистонда энди хонадон сотиб олаётган эҳтиёжманд аҳолига дастлабки бадалнинг бир қисмини қоплаш учун 32 миллион сўм субсидия тўланади
- Шавкат Мирзиёев бюджетдан мақсадли кредитлар учун ажратилган қанча маблағ ўзлаштирилмасдан турганини айтди
Изоҳ (0)