Toshkent shahar hokimligiga fuqaro Ziyoda Latipova Bahromovna tomonidan Mercedes-Benz S500 avtomobili ixtiyoriy ravishda sovg‘a qilingandi. Korrupsiyaga qarshi kurashish agentligi holat yuzasidan tekshiruv o‘tkazadi, deb xabar bermoqda “Podrobno.uz”.
Agentlikning ma’lum qilishicha, ushbu beg‘araz sovg‘a yuzasidan xizmat tekshiruvi o‘tkazilmoqda. “15-30 kun ichida rasmiy ma’lumot beriladi”, deyiladi xabarda.
30-noyabr kuni Toshkent shahar hokimligi ishlar boshqarmasi va fuqaro Ziyoda Latipova Bahromovnaga tegishli qora rangli Mercedes-Benz S500 Hybrid (davlat raqami 01M798HB) yengil avtotransport vositasi Toshkent shahar hokimligi tasarrufiga ixtiyoriy ravishda beg‘araz (tekinga) berish haqidagi taklifi ma’qullangandi. Jahongir Ortiqxo‘jayev bu bo‘yicha qarorni imzolab, mashinani texnik ko‘rikdan o‘tkazib, foydalanishga topshirish haqida topshiriq bergandi.
“OLX.uz” saytiga joylangan ushbu modeldagi avtomobil (2021-yilda ishlab chiqarilgan, 1000 kilometr yurgan) 275 000 AQSh dollarda baholangan.
Izoh (0)