Futbol bo‘yicha Fransiya chempionatining 16-tur bahslari 1-dekabr, chorshanba kuni bo‘lib o‘tdi.
Parijda “PSJ” “Nitssa”ni mehmon qildi. Uchrashuv nursiz durang bilan yakunlandi.
Maurisio Pochettino shogirdlar durang natijadan so‘ng ochkolari sonini 41 taga yetkazib oldi va musobaqa peshqadamligicha qolmoqda. Parijliklar eng yaqin ta’qibchisidan 12 ochkoga oldinda.
“Lion” o‘z maydonida “Reyms”ga mag‘lub bo‘ldi. Uchrashuvning 56-daqiqasida Vout Fayes hisobni ochgan bo‘lsa, 66-daqiqada “Lion” futbolchisi Karl Toko-Ekambi muvozanatni tikladi. 90+3-daqiqada mehmonlar futbolchisi Hyugo Ekitike g‘alaba golini urdi.
“Lion” 22 ochko bilan 10-pog‘onadan joy olgan. “Reyms” esa ushbu g‘alabadan so‘ng ochkolari sonini 16 taga yetkazdi va 14-o‘ringa chiqib oldi.
Liga 1
16-tur bahsi
1-dekabr, chorshanba
“PSJ” — “Nitssa” 0:0
“PSJ”: Donnarumma, Hakimi, Markinyos, Kimpembe (Paredes, 77), Mendesh, Guye, Danilu Pereyra, Ebimbe (Verratti, 62), di Mariya (Ikardi, 77), Messi, Mbappe.“Nitssa”: Benites, Lotomba, Dante, Todibo, Bar, Budaui (Guiri, 80), Shnayderlin, Lemina (Tyuram, 74), Delor, Dolberg, Klyuyvert (Stengs, 74).
Ogohlantirishlar: Danilu Pereyra (31), Klyuyvert (66), di Mariya (76), Bar (88).
“Lion” — “Reyms” 1:2
Gollar: 0:1 – 56 Fas, 1:1 – 66 Toko-Ekambi, 1:2 – 90 Ekitik.
Izoh (0)