Futbol bo‘yicha Italiya A Seriyasining 15-turidan o‘rin olgan uchrashuvlar 1-dekabr, chorshanba kuni bo‘lib o‘tdi.
Genuyada bo‘lib o‘tgan uchrashuvda “Milan” hujumchisi Zlatan Ibrahimovich 10-daqiqada jarima zarbasidan “Jenoa” darvozasini ishg‘ol qildi. 45+2 va 61-daqiqada Junior Messias dubl qayd etib, milanliklarning yirik g‘alabasiga hissa qo‘shdi.
Ushbu g‘alabadan so‘ng “Milan” ochkolari sonini 35 taga yetkazib oldi va 2-o‘rinda bormoqda. “Jenoa” 10 ochko bilan 18-o‘rindan joy olgan.
“Sassuolo”—“Napoli” uchrashuvida 51-daqiqada Fabian Ruis hisobni ochgan bo‘lsa, Dris Mertens 60-daqiqada neapolliklarning ikkinchi goliga mualliflik qildi. “Sassuolo” futbolchisi Janluka Skamakka 71-daqiqada hisobni tenglashtirdi, 89-daqiqada Marko esa Ferrari muvozanatni tikladi. 90+5-daqiqada mezbonlar futbolchisi Defrel urgan gol VAR tomonidan bekor qilindi. Shu tariqa uchrashuv 2:2 hisobida durang natija bilan yakunlandi.
Neapolliklar durang natijadan so‘ng 36 ochko bilan 1-o‘rinda qoldi. “Sassuolo” 19 ochko bilan 12-o‘rinni band qilgan.
A Seriya
15-tur bahslari
1-dekabr, chorshanba
“Jenoa” – “Milan” 0:3
Gollar: 0:1 – 10 Ibrahimovich, 0:2 – 45 Junior Messias, 0:3 – 61 Junior Messias.“Jenoa”: Sirigu, Gilone, Masello (Bani, 77), Vanhoysden, Vaskes, Kambyazo, Badel (Galdames, 62), Sturaro (Ernani, 46), Rovella (Portanova, 77), Ekuban, Byanki (Pandev, 62).
“Milan”: Menyan, Kalulu, Kyer (Gabbiya, 5; Florensi, 46), Tomori, Ernandes, Krunich, Kessie, Tonali (Salemakers, 77), Ibrahimovich (Pellegri, 60), Braim Dias (Bakayoko, 77), Junior Messias.
Ogohlantirishlar: Gabbiya (32), Masello (67), Rovella (73).
“Sassuolo” – “Napoli” 2:2
Gollar: 0:1 – 51 Fabian Ruis, 0:2 – 59 Mertens, 1:2 – 71 Skamakka, 2:2 – 89 Ferrari.“Sassuolo”: Konsili, Tolyan, Kirikesh, Ferrari, Rojerio (Kiryakopulos, 61), Lopes, Frattezi (Xarrui, 77), Traore (Mateus Enrike, 61), Berardi, Skamakka, Raspadori (Defrel, 88).
“Napoli”: Ospina, di Lorenso, Kulibali (Jezus, 80), Rrahmani, Mariu Ruy, Lobotka, Zelinski, Fabian Ruis (Politano, 66), Mertens (Petanya, 66), Insinye (Elmaz, 46), Losano (Demme, 72).
Ogohlantirishlar: Rojerio (25), Berardi (54), Politano (84), Mateus Enrike (86), Demme (88), Defrel (90).
Izoh (0)