Ijtimoiy tarmoqlarda ikki nafar fuqaroning metropolitendagi xavfsizlik qoidalariga rioya qilmagan holda platforma chetiga o‘tirib olgani tasvirlangan video tarqaldi. Toshkent metropoliteni mazkur holat tasvirlangan video yuzasidan ma’lumot berdi.
Ma’lum qilinishicha, tasvirdagi fuqarolar kollej o‘quvchilari Sh.R. hamda A.S. bo‘lib, ular “Bodomzor” metro stansiyasida ichki ishlar organ xodimlari tomonidan ogohlantirilgan, shuningdek, tushuntirish ishlari olib borilgan. Bundan tashqari, fuqarolarning ota-onasi bilan profilaktik suhbat o‘tkazilgan. “Baxtsiz hodisa ro‘y bermagan, jabrlanganlar yo‘q”, — deyiladi xabarda.
Eslatib o‘tamiz, yanvar o‘rtalarida Toshkent metrosida vagon ushlagichlariga oyog‘i bilan osilib turgan yigitning shaxsi aniqlangan va unga nisbatan Ma’muriy javobgarlik to‘g‘risidagi kodeksning tegishli moddasi bilan jarima belgilangan edi.
Izoh (0)