Qashqadaryo viloyati Muborak tumanidagi korxonalardan birining rahbar o‘rinbosari 319,7 million so‘mni talon-toroj qilgani aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Muborak tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Tekshiruv davomida “M-S.” MChJ rahbari o‘rinbosari B.I. va boshqalar oldindan til biriktirib, 2021-yilning mart—oktabr oylarida korxonaning 319,7 million so‘m pul mablag‘ini bank plastik kartasiga o‘tkazib, o‘zlarining manfaatlari yo‘lida talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Surxondaryoda shirkat rahbari ta’mirlash va qurilish ishlari uchun ajratilgan puldan 525,2 mln so‘mni o‘zlashtirgani, Navoiyda aholi uchun ajratilgan 722 tonna ko‘mirni o‘zlashtirgan ombor mudiri ushlangani, Surxondaryoda omonatga qo‘yilgan 566 mln so‘mni talon-toroj qilgan sobiq bank xodimiga jinoyat ishi ochilgani to‘g‘risida xabar berilgandi.
Mavzuga doir:
- Qashqadaryoda sobiq MChJ direktori 2 429 bosh chorva molini talon-toroj qilgani aniqlandi
- Marg‘ilon shahar xalq ta’limi bo‘limi sobiq boshlig‘i 1,7 mlrd so‘mni talon-toroj qilgani aniqlandi
- Toshkentda sug‘urta polislarini sotishdan tushgan 662,1 mln so‘mni talon-toroj qilganlarga jinoyat ishi qo‘zg‘atildi
Izoh (0)