Sello’ning boshqaruvchi hamkori Iskandar Yusupov o‘z logistikasini ishlab chiqish va O‘zbekistonda marketpleysni rivojlantirish istiqbollari to‘g‘risida o‘z fikrini bayon qildi.
O‘zbekiston elektron rivojlanish yo‘lida turibdi. Bugungi kunda dunyoning ko‘plab mamlakatlarida marketpleys — sotuvchi va xaridorlar bilan aloqa qilishning qulay makoni. Lekin mamlakatda hamma narsa ishlashi uchun yangi g‘oyani nafaqat atroflicha o‘rganib olish kerak, balki uni hayotga tatbiq etishni bilish kerak. Aynan shu sababdan Sello kompaniyasi O‘zbekiston bozoriga moslashgan holda o‘z logistika tizimini ishlab chiqdi.
Marketpleys nima va uning afzalliklari qanday?
“Marketpleys” so‘zi “savdo maydonchasi” deb talqin qilinadi. Ushbu savdo maydonchasiga merchantlar — boshqacha qilib aytganda savdogarlar o‘z tovarlarini joylashtiradilar, xaridorlar esa mazkur marketpleysda joylashtirilgan tovarlarni sotib olishadi. Marketpleys va elektron do‘konlar o‘rtasidagi asosiy farq shundaki, marketpleysda bir vaqtning o‘zida ko‘plab turli xil merchantlar o‘z mahsulotlarini sotuvga qo‘yishlari mumkin.
Sello marketpleysga kirib, siz biron bir mahsulotni xarid qilmoqchi bo‘lganingizda turli merchantlardan bir nechta takliflarni ko‘rib, o‘zingizga ma’qul bo‘lgan mahsulotni tanlashingiz mumkin. Bu xaridorga narx toifalarini solishtirish, merchantlarning reytinglarini ko‘rish va boshqa mijozlarning qoldirgan firklarini o‘qishga imkon yaratadi.
Sello va onlayn do‘konlar o‘rtasidagi farq nima?
Odatda onlayn do‘kon mahsulotning tor maqsadli segmenti hisoblanadi. Marketpleysda esa siz kundalik hayot uchun kerak bo‘lgan hamma narsani sotib olishingiz mumkin. Biz sentabr oyida faoliyatimizni boshladik va bugungi kunga qadar saytimizda 15 toifadagi 10 000 dan ortiq mahsulot takliflari mavjud. Shuni ham alohida ta’kidlash kerakki, biz 50 dan ortiq merchantlar bilan hamkorlik munosabatlarini o‘rnatdik.
Yaqin oradagi vazifalarimizdan, 2022-yilning birinchi choragiga qadar 100 mingdan ortiq mahsulot takliflarini taqdim etish, keyingi yil oxiriga qadar esa shu ko‘rsatkichni 600 mingtagacha oshirishdir. Mahalliy bozorda takliflar yetarli bo‘lmasligi mumkin, ammo buning uchun biz xorijiy bozorlar bilan hamkorlik qilish istiqbollarini ko‘rib chiqmoqdamiz. Buning natijasida, mijozlarimiz xorijiy mamlakatlardan kelgan mahsulotlarni veb-saytimizdan xarid qilish imkoniyatiga ega bo‘lishadi.
Biz mijozlarimizni ko‘nglini olishga harakat qilamiz. Sello’da buyurtma berganingizda, tovar manzilingizga yetkazib berilganda yoki Sello.uz veb-saytining o‘zida to‘lovni amalga oshirishingiz mumkin. Agar mahsulot sizga mos kelmasa, siz uni osonlikcha qaytarishingiz mumkin. Sello’da oltin qoida bor: “Tovarni sotib olishdan ko‘ra, uni qaytarish osonroq”. Ammo agar siz to‘lovni oldindan amalga oshirgan bo‘lsangiz, biz uch kun ichida pulni qaytarib beramiz.
Tegishli toifadagi sifatli tovarlar 10 kun ichida qaytarilishi mumkin. Agar tovar buzilgan bo‘lsa (zavod nuqsoni bo‘lsa), u holda merchant shu tovarni tekshirishi shart. Nuqson aniqlangan taqdirda, xaridor o‘z pulini qaytarish yoki pul evaziga bunga o‘xshash mahsulotni olish huquqiga ega.
Sello Logistics qanday ishlaydi?
Bizning o‘z ekotizimimiz bor, uni takomillashtirish uchun tinmay mehnat qilib kelmoqdamiz. Birinchi qism — bu Sello Logistics. Bugungi kunga qadar Toshkent shahrida 8 ta buyurtmalarni topshirish punktlari (BTP) mavjud bo‘lib, xaridor buyurtma bergan tovarni o‘sha joydan olib ketishi mumkin. 2021-yil oxirigacha poytaxtdagi bunday punktlar soni 10 taga yetkaziladi. Shuningdek, Farg‘ona vodiysiga yetkazib berishni yo‘lga qo‘yish rejalashtirilgan. Hozirgi vaqtda viloyatlarda 11 ta buyurtmalarni topshirish punktlari faoliyat yuritmoqda: Farg‘ona va Andijon viloyatlarida 4 tadan nuqta, Namangan viloyatida esa 3 ta. Tovarlarni ushbu viloyatlarning markaziy qismlaridan olib ketish mumkin.
Tovarlar BTPga kelganda, xaridor tovar yetkazib berilganligi haqida SMS xabarni oladi. Xaridorning maxfiy kodi buyurtmani qabul qilishning kalitidir. Shunday qilib, xaridorning har qanday oila a’zosi yoki do‘stlari kod yordamida tovarni olishlari mumkin. Agar mazkur kod yovuz niyatli odamning qo‘liga tushsa, xaridor aloqa markaziga qo‘ng‘iroq qilib, tovarlarni yetkazib berishni to‘xtatib turishni so‘rashi yoki o‘z shaxsiy kabinetida buni o‘zi amalga oshirishi mumkin.
Biz Toshkent bo‘ylab buyurtmalarni maksimal 24 soat ichida yetkazib beramiz. Misol uchun, agar mijoz ertalab buyurtma bergan bo‘lsa, u buyurtmasini o‘sha kunning o‘zida olishi mumkin. Xaridor buyurtma berishda qulay yetkazib berish vaqtini belgilashi mumkin.
Agar xaridor bir nechta merchantlardan buyurtma bergan bo‘lsa, bizning vazifamiz barcha buyurtmalarni to‘plash va ularni bitta qutiga joylashtirishdir. Buning uchun bizda taqsimlash markazi bor. Mazkur qutilar xaridorning eng yaqin bo‘lgan BTPga yoki uning manziliga yetkaziladi. Buyurtmalarni topshirish punktlari butun shahar bo‘ylab hamma uchun qulay joylarda — metro yaqinida joylashgan.
Biz merchantlarning tovarlarini sotish uchun omborxonalarimizda saqlamaymiz, ya’ni buyurtma qabul qilinishi bilan merchantlar buni 30 daqiqa ichida shaxsiy kabinetda tasdiqlaydilar. Biz esa o‘z navbatida buyurtma qilingan tovarlarni 3 soat ichida taqsimlash markaziga olib kelamiz.
Keyinchalik marshrutlar tuziladi va tovarlar BTPga yetkaziladi. Toshkent shahrida bizlarni korxonamizga tegishli bo‘lgan 10 dan ortiq brendlashtirilgan avtomashinalar kerakli manzillarga buyurtmalarni yetkazib beradi. Shuningdek, Farg‘ona vodiysining har bir viloyatida tovarlarni BTPga yetkazib berish uchun alohida transport yo‘lga qo‘yilgan. Farg‘ona vodiysiga yetkazib berishning eng uzoq muddati — 48 soat.
Loyihaning ikkinchi qismini 2022-yilning boshida boshlashni rejalashtirganmiz. Bu vaqtga kelib, biz o‘zimizning Sello Pay tizimimizga ega bo‘lamiz. Unga ko‘ra, tovarlarni bo‘lib-bo‘lib to‘lash mumkin bo‘ladi. Respublika bo‘ylab 20 dan ortiq buyurtmalarni topshirish punktlari ochilishi rejalashtirilgan va har bir yirik shaharda o‘z taqsimlash markazlari bo‘ladi. Merchantlar Qoraqalpog‘iston Respublikasi hamda Xorazm viloyatidan uzoq joylashgani uchun buyurtmani 72 soatda yetkazib beramiz. Bu — maksimal vaqt.
Sello’da sotuvchilar uchun qanday hamkorlik shartlari bor?
Bizning veb-saytimizda “Sello’da soting!” degan alohida bo‘lim mavjud bo‘lib, o‘sha yerda merchantlar uchun sahifa bor. Sotuvchi ushbu saytda ro‘yxatdan o‘tadi, barcha ma’lumotlarni qoldirib, sotishga tayyor bo‘lgan mahsulot toifalarini tanlaydi. Ish kuni davomida bizning vakilimiz u bilan bog‘lanadi va tegishli hujjatlarni yuboradi.
Biz o‘z navbatida merchantlarimiz uchun treninglar o‘tkazamiz, shaxsiy kabinetda ishlash bo‘yicha videolarni taqdim etamiz, kontentni joylashtirish va mahsulot kartochkasini to‘g‘ri to‘ldirishni o‘rgatamiz.
Yil oxirigacha bizda maxsus taklif bor: biz merchantlar uchun 20 dan 100 tagacha mahsulot kartochkalarini bepul to‘ldirib beramiz. Yetkazib berish bizning zimmamizga yuklatiladi.
O‘zbekistonda Sello istiqbollari
Qo‘shni davlatlardan O‘zbekistonga kelib, o‘z marketpleyslarini ochmoqchi bo‘lgan odamlarning qiziqishlarini ko‘ryapmiz. Deyarli har hafta gazetalarda yangi marketpleys ochilishi haqidagi xabarlarni o‘qiymiz, lekin “marketpleys” nomi ostida odamlar oddiy integratsiyalanadigan saytlar yoki onlayn do‘konlarni ochishadi. Bizning maqsadimiz, mamlakatda elektron tijoratni rivojlantirishdan iborat, chunki uning ortida kelajak turibdi. Bu vaqt va resurslarni tejaydi.
Odamlar ishonadigan munosib takliflar yetarlicha bo‘lmaganligi sababli shu biznesni hamkorlarimiz bilan rivojlantirishga qaror qildik. Bizning tizimimiz oddiy, qulay va ishonchli bo‘lishi kerak, degan xulosaga keldik.
Mazkur ekotizimni yaratib, sotuvchi ham, xaridor ham, biz ham manfaat ko‘ramiz.
Sello — oddiy, qulay va ishonchli
Call-sentr: +99878 113 09 00
Sayt: sello.uz
Instagram: sello.uz
Facebook: fb.com/sello.uz
Telegram: t.me/sellouz
Reklama huquqi asosida.
Izoh (0)