Sello’нинг бошқарувчи ҳамкори Искандар Юсупов ўз логистикасини ишлаб чиқиш ва Ўзбекистонда маркетплейсни ривожлантириш истиқболлари тўғрисида ўз фикрини баён қилди.
Ўзбекистон электрон ривожланиш йўлида турибди. Бугунги кунда дунёнинг кўплаб мамлакатларида маркетплейс — сотувчи ва харидорлар билан алоқа қилишнинг қулай макони. Лекин мамлакатда ҳамма нарса ишлаши учун янги ғояни нафақат атрофлича ўрганиб олиш керак, балки уни ҳаётга татбиқ этишни билиш керак. Айнан шу сабабдан Sello компанияси Ўзбекистон бозорига мослашган ҳолда ўз логистика тизимини ишлаб чиқди.
Маркетплейс нима ва унинг афзалликлари қандай?
«Маркетплейс» сўзи «савдо майдончаси» деб талқин қилинади. Ушбу савдо майдончасига мерчантлар — бошқача қилиб айтганда савдогарлар ўз товарларини жойлаштирадилар, харидорлар эса мазкур маркетплейсда жойлаштирилган товарларни сотиб олишади. Маркетплейс ва электрон дўконлар ўртасидаги асосий фарқ шундаки, маркетплейсда бир вақтнинг ўзида кўплаб турли хил мерчантлар ўз маҳсулотларини сотувга қўйишлари мумкин.
Sello маркетплейсга кириб, сиз бирон бир маҳсулотни харид қилмоқчи бўлганингизда турли мерчантлардан бир нечта таклифларни кўриб, ўзингизга маъқул бўлган маҳсулотни танлашингиз мумкин. Бу харидорга нарх тоифаларини солиштириш, мерчантларнинг рейтингларини кўриш ва бошқа мижозларнинг қолдирган фиркларини ўқишга имкон яратади.
Sello ва онлайн дўконлар ўртасидаги фарқ нима?
Одатда онлайн дўкон маҳсулотнинг тор мақсадли сегменти ҳисобланади. Маркетплейсда эса сиз кундалик ҳаёт учун керак бўлган ҳамма нарсани сотиб олишингиз мумкин. Биз сентябрь ойида фаолиятимизни бошладик ва бугунги кунга қадар сайтимизда 15 тоифадаги 10 000 дан ортиқ маҳсулот таклифлари мавжуд. Шуни ҳам алоҳида таъкидлаш керакки, биз 50 дан ортиқ мерчантлар билан ҳамкорлик муносабатларини ўрнатдик.
Яқин орадаги вазифаларимиздан, 2022 йилнинг биринчи чорагига қадар 100 мингдан ортиқ маҳсулот таклифларини тақдим этиш, кейинги йил охирига қадар эса шу кўрсаткични 600 мингтагача оширишдир. Маҳаллий бозорда таклифлар етарли бўлмаслиги мумкин, аммо бунинг учун биз хорижий бозорлар билан ҳамкорлик қилиш истиқболларини кўриб чиқмоқдамиз. Бунинг натижасида, мижозларимиз хорижий мамлакатлардан келган маҳсулотларни веб-сайтимиздан харид қилиш имкониятига эга бўлишади.
Биз мижозларимизни кўнглини олишга ҳаракат қиламиз. Sello’да буюртма берганингизда, товар манзилингизга етказиб берилганда ёки Sello.uz веб-сайтининг ўзида тўловни амалга оширишингиз мумкин. Агар маҳсулот сизга мос келмаса, сиз уни осонликча қайтаришингиз мумкин. Sello’да олтин қоида бор: «Товарни сотиб олишдан кўра, уни қайтариш осонроқ». Аммо агар сиз тўловни олдиндан амалга оширган бўлсангиз, биз уч кун ичида пулни қайтариб берамиз.
Тегишли тоифадаги сифатли товарлар 10 кун ичида қайтарилиши мумкин. Агар товар бузилган бўлса (завод нуқсони бўлса), у ҳолда мерчант шу товарни текшириши шарт. Нуқсон аниқланган тақдирда, харидор ўз пулини қайтариш ёки пул эвазига бунга ўхшаш маҳсулотни олиш ҳуқуқига эга.
Sello Logistics қандай ишлайди?
Бизнинг ўз экотизимимиз бор, уни такомиллаштириш учун тинмай меҳнат қилиб келмоқдамиз. Биринчи қисм — бу Sello Logistics. Бугунги кунга қадар Тошкент шаҳрида 8 та буюртмаларни топшириш пунктлари (БТП) мавжуд бўлиб, харидор буюртма берган товарни ўша жойдан олиб кетиши мумкин. 2021 йил охиригача пойтахтдаги бундай пунктлар сони 10 тага етказилади. Шунингдек, Фарғона водийсига етказиб беришни йўлга қўйиш режалаштирилган. Ҳозирги вақтда вилоятларда 11 та буюртмаларни топшириш пунктлари фаолият юритмоқда: Фарғона ва Андижон вилоятларида 4 тадан нуқта, Наманган вилоятида эса 3 та. Товарларни ушбу вилоятларнинг марказий қисмларидан олиб кетиш мумкин.
Товарлар БТПга келганда, харидор товар етказиб берилганлиги ҳақида SMS хабарни олади. Харидорнинг махфий коди буюртмани қабул қилишнинг калитидир. Шундай қилиб, харидорнинг ҳар қандай оила аъзоси ёки дўстлари код ёрдамида товарни олишлари мумкин. Агар мазкур код ёвуз ниятли одамнинг қўлига тушса, харидор алоқа марказига қўнғироқ қилиб, товарларни етказиб беришни тўхтатиб туришни сўраши ёки ўз шахсий кабинетида буни ўзи амалга ошириши мумкин.
Биз Тошкент бўйлаб буюртмаларни максимал 24 соат ичида етказиб берамиз. Мисол учун, агар мижоз эрталаб буюртма берган бўлса, у буюртмасини ўша куннинг ўзида олиши мумкин. Харидор буюртма беришда қулай етказиб бериш вақтини белгилаши мумкин.
Агар харидор бир нечта мерчантлардан буюртма берган бўлса, бизнинг вазифамиз барча буюртмаларни тўплаш ва уларни битта қутига жойлаштиришдир. Бунинг учун бизда тақсимлаш маркази бор. Мазкур қутилар харидорнинг энг яқин бўлган БТПга ёки унинг манзилига етказилади. Буюртмаларни топшириш пунктлари бутун шаҳар бўйлаб ҳамма учун қулай жойларда — метро яқинида жойлашган.
Биз мерчантларнинг товарларини сотиш учун омборхоналаримизда сақламаймиз, яъни буюртма қабул қилиниши билан мерчантлар буни 30 дақиқа ичида шахсий кабинетда тасдиқлайдилар. Биз эса ўз навбатида буюртма қилинган товарларни 3 соат ичида тақсимлаш марказига олиб келамиз.
Кейинчалик маршрутлар тузилади ва товарлар БТПга етказилади. Тошкент шаҳрида бизларни корхонамизга тегишли бўлган 10 дан ортиқ брендлаштирилган автомашиналар керакли манзилларга буюртмаларни етказиб беради. Шунингдек, Фарғона водийсининг ҳар бир вилоятида товарларни БТПга етказиб бериш учун алоҳида транспорт йўлга қўйилган. Фарғона водийсига етказиб беришнинг энг узоқ муддати — 48 соат.
Лойиҳанинг иккинчи қисмини 2022 йилнинг бошида бошлашни режалаштирганмиз. Бу вақтга келиб, биз ўзимизнинг Sello Pay тизимимизга эга бўламиз. Унга кўра, товарларни бўлиб-бўлиб тўлаш мумкин бўлади. Республика бўйлаб 20 дан ортиқ буюртмаларни топшириш пунктлари очилиши режалаштирилган ва ҳар бир йирик шаҳарда ўз тақсимлаш марказлари бўлади. Мерчантлар Қорақалпоғистон Республикаси ҳамда Хоразм вилоятидан узоқ жойлашгани учун буюртмани 72 соатда етказиб берамиз. Бу — максимал вақт.
Sello’да сотувчилар учун қандай ҳамкорлик шартлари бор?
Бизнинг веб-сайтимизда «Селлўда сотинг!» деган алоҳида бўлим мавжуд бўлиб, ўша ерда мерчантлар учун саҳифа бор. Сотувчи ушбу сайтда рўйхатдан ўтади, барча маълумотларни қолдириб, сотишга тайёр бўлган маҳсулот тоифаларини танлайди. Иш куни давомида бизнинг вакилимиз у билан боғланади ва тегишли ҳужжатларни юборади.
Биз ўз навбатида мерчантларимиз учун тренинглар ўтказамиз, шахсий кабинетда ишлаш бўйича видеоларни тақдим этамиз, контентни жойлаштириш ва маҳсулот карточкасини тўғри тўлдиришни ўргатамиз.
Йил охиригача бизда махсус таклиф бор: биз мерчантлар учун 20 дан 100 тагача маҳсулот карточкаларини бепул тўлдириб берамиз. Етказиб бериш бизнинг зиммамизга юклатилади.
Ўзбекистонда Sello истиқболлари
Қўшни давлатлардан Ўзбекистонга келиб, ўз маркетплейсларини очмоқчи бўлган одамларнинг қизиқишларини кўряпмиз. Деярли ҳар ҳафта газеталарда янги маркетплейс очилиши ҳақидаги хабарларни ўқиймиз, лекин «маркетплейс» номи остида одамлар оддий интеграцияланадиган сайтлар ёки онлайн дўконларни очишади. Бизнинг мақсадимиз, мамлакатда электрон тижоратни ривожлантиришдан иборат, чунки унинг ортида келажак турибди. Бу вақт ва ресурсларни тежайди.
Одамлар ишонадиган муносиб таклифлар етарлича бўлмаганлиги сабабли шу бизнесни ҳамкорларимиз билан ривожлантиришга қарор қилдик. Бизнинг тизимимиз оддий, қулай ва ишончли бўлиши керак, деган хулосага келдик.
Мазкур экотизимни яратиб, сотувчи ҳам, харидор ҳам, биз ҳам манфаат кўрамиз.
Sello — оддий, қулай ва ишончли
Call-центр: +99878 113 09 00
Сайт: sello.uz
Instagram: sello.uz
Facebook: fb.com/sello.uz
Telegram: t.me/sellouz
Реклама ҳуқуқи асосида.
Изоҳ (0)