Kamerunlik yosh juftlik Kerolayn va Richard Akve o‘z egizaklarining dunyoga kelishini intiqlik bilan kutishgan edi. 26 yoshli Kerolayn muntazam ravishda shifokor qabuliga borar, homiladorlik esa muvaffaqiyatli o‘tardi. Egizaklar o‘z vaqtida kesarcha kesish yo‘li bilan tug‘ildi. Ammo yosh ota-onani yoqimsiz xabar kutmoqda — chaqaloqlar son qismidan bir-biriga birikkan edi.
Kamerunda siam egizaklarini davolashning iloji bo‘lmadi, chunki mamlakatda tibbiy va texnologik vositalar yetarli emas edi. Biroq pandemiyaga qaramay, Kamerun prezidenti idorasi jarrohlik bilan davolash imkoni yo‘qqa chiqmasidan oldin ularni Turkiyadagi Acıbadem’ga yetkazish uchun havo yo‘lini o‘z vaqtida tashkil qildi. Shifoxonada mutaxassislarning butun bir armiyasi 9 oylik qizlarni davolash bilan mashg‘ul bo‘ldi.
Shifokorlar safarbar qilindi
Bolalar jarrohligi bo‘yicha professor Burak Tander, bolalar neyrojarrohligi bo‘yicha professor Memet Ozek, estetik, plastik va rekonstruktiv jarrohlik kafedrasi professori Hakan Agir, anesteziologiya bo‘yicha dotsent Serpil Ustalar, bolalar intensiv terapiyasi bo‘yicha professor Agop Chitak rahbarligida tibbiyot mutaxassislarining ko‘p tarmoqli jamoasi, shuningdek, urologiya, radiologiya, yurak-qon tomir jarrohligi va anesteziologiya bo‘limlaridan mutaxassislar 7 oy davom etgan siam egizaklarini ajratish jarayonida mehnat qilishdi.
Noyob 3D maneken
Murakkab operatsiyaga tayyorgarlik ko‘rish chog‘ida shifokorlar uzoq vaqt davomida Acıbadem universitetining Biodizayn markazida oldindan yaratilgan siam egizaklarining detallashtirilgan 3D manekenini tadqiq etishdi, bu ish esa operatsiya muvaffaqiyatiga katta hissa qo‘shdi.
Bolalar neyrojarrohligi bo‘yicha professor Memet Ozek operatsiya boshlanishini shunday tasvirlaydi: “Bizning neyrojarrohlar guruhi orqa miya, miyelomeningotsele, orqa miya qobiqlari va dumg‘aza suyagini ajratish operatsiyasini boshladi. Ehtimol, birikish tufayli biz operatsiyani hayotimizda birinchi marta juda g‘ayrioddiy holatda o‘tkazdik”.
Bolalar jarrohligi bo‘yicha professor Burak Tander qo‘shimcha qiladi: “Shuningdek, qizlarning orqa miya, siydik yo‘llari, to‘g‘ri ichak va ba’zi qon tomirlari umumiy edi. Ularni ajratish uchun qattiq mehnat qilishimiz kerak bo‘ldi”.
Estetik, plastik va rekonstruktiv jarrohlik kafedrasi professori Hakan Agir davom etadi: “Biz operatsiya oldidan teri, teri osti to‘qimalari va mushaklarni tayyorladik. Ikkinchi bosqichda bolalar jarrohligi va neyrojarrohlik guruhlari tomonidan operatsiya qilingan hududlar yopildi. Biz umumiy intensiv terapiya va yuqumli kasalliklar bo‘yicha mutaxassislar guruhlari bilan birgalikda, operatsiyadan keyingi yaralarni davolash bilan bog‘liq muammolarni oldini olish uchun maksimal darajadagi parvarishni ta’minladik”.
Anesteziolog Serpil Ustalar Ozgen qo‘shimcha qiladi: “Anesteziologlar jamoasining vazifasi jarrohlarning qulay ishlashi uchun bolalarning uyqusi va xavfsizligini ta’minlash edi. Operatsiyadan oldin chaqaloqlar o‘rtasida chalkashlik kelib chiqmasligi uchun barcha jihozlarni ikki xil rangda tayyorladik. Biz ‘Elizabet jamoasi’ va ‘Meri jamoasi’ga bo‘lindik. Darhaqiqat, bunday intensiv rejimda 27 soat biz uchun bir soatdek uchib o‘tdi”.
Bolalar intensiv terapiyasi bo‘yicha professor Agop Chitak shunday xulosa qildi: “Egizaklarni jarrohlik yo‘li bilan ajratish uzoq va juda qiyin jarayon. U bolalar intensiv terapiyasi bo‘limida chaqaloqlarni operatsiyadan keyingi parvarishlash, nazorat qilish va davolashni moslashtirishni talab qildi”.
27 soat davom etgan ajratish operatsiyasi muvaffaqiyatli o‘tdi. Operatsiya xonasidan birinchi bo‘lib Meri, undan keyin Elizabet chiqdi. Ular bir-birlarini birinchi marta ko‘rganlarida, bu juda hayajonli lahza edi. Hozir ular 16 oylik va bu shirintoy egizaklar ikkita jismonan mustaqil chaqaloq bo‘lib yashamoqda.
Qizlarning ota-onasi Acıbadem mutaxassislarining yuqori professional jamoasiga o‘z minnatdorchiligini izhor etishdi: “Biz bu ajoyib baxt uchun Acibadem’ning tajribali shifokorlari, hamshiralari, rahbariyati va barcha tibbiyot xodimlari oldida qarzdormiz. Aslida, his-tuyg‘ularimizni so‘zlar bilan ifoda eta olmaymiz”.
Turkiyadagi Acibadem shifoxonalarida davolanishga oid barcha qiziqtirgan savollar bo‘yicha Acibadem’ning Toshkentdagi vakolatxonasiga murojaat qilishingiz mumkin.
Toshkent shahri, Mirzo Ulug‘bek tumani, Buyuk Ipak yo‘li mavzesi, 19-uy
Telefon: +99895 144 54 45
Shuningdek, rasmiy sayt www.acibadem.com.ru orqali barcha kerakli ma’lumotlarga ega bo‘lishingiz mumkin.
Reklama huquqi asosida.
Izoh (0)