Ispaniyada Kantabriya va Kastiliya hududlarida kuchli qor yog‘ishi tufayli suv toshqini yuz berdi. Bu haqda mahalliy Deia nashri xabar berdi.
Ispaniya shimolidagi Bilbao shahrida elektr energiyasi bilan bog‘liq muammolar boshlandi. Ko‘chalarda to‘xtab qolgan mashinalar butunlay suvga botgan.
“Men itimni sayr qildirgani chiqqanimda mashinamni suv ostida ko‘rdim”, — deydi mahalliy aholi vakillaridan biri.
Qayd etilishicha, Ispaniyaning yomon ob-havodan zarar ko‘rgan hududlarida temiryo‘l aloqalari ham to‘xtatilgan.
Avvalroq Xitoy shimolidagi Shansi provinsiyasida bir hafta tinmagan kuchli yomg‘ir keng ko‘lamli suv toshqinlarini keltirib chiqargandi. Oqibatda mintaqadagi 1 million 760 ming kishini evakuatsiya qilishga to‘g‘ri kelgan. Shuningdek, Londonda kuchli yomg‘ir yog‘ib, oqibatda suv toshqini yuz bergani va bir nechta metro liniyalari yopilgani haqida xabar berilgandi.
Eslatib o‘tamiz, iqlimni o‘rganuvchi Climate Central tashkiloti 2030-yilga kelib suv ostida qolishi mumkin bo‘lgan shaharlar ro‘yxatini e’lon qilgan.
Izoh (0)