Жаҳон Чемпионатини ҳар икки йилда ўтказиш қарори УЕФА ва миллий чемпионатларнинг жиддий зарар кўришига олиб келади.
KPMG аудитор компанияси Delta Partners билан биргаликда изланиш олиб борди, дея хабар қилмоқда Reuters. Тадқиқотлар натижасига кўра, мундиални ҳар икки йилда ўтказиш жорий қилинса, миллий чемпионатлар катта зарар кўради.
Бунинг ортидан бир мавсумда лигалар ва УЕФА ўйинлардан келадиган даромад ҳамда телеҳуқуқлардан ўртача 8 миллиард евро йўқотади. Уларнинг 5 миллиарди аудиовизуал ҳуқуқларга (ҳозирги кундаги даромаднинг учдан бир қисми) тўғри келади. Чемпионат ўйинлари сонини камайиши 1,75 миллиард зарар келтиради. Яна 901 миллион евро тақвимдаги ўзгаришлар (кўплаб ўйинлар дам олиш кунларидан ҳафта ўртасига ўтказилади) туфайли йўқотилади.
УЕФА ва лигалар рекламадан келадиган 2,16 миллиард евродан (даромаднинг 25% қисми) қуруқ қолади. Ўйин кунларидаги йўқотиш эса 1,2 миллиард еврога (бу ҳам 25%) етади.
Агар Жаҳон Чемпионати икки йилда бир марта ўтказилса миллий чемпионатлар даромади 14 миллиард евродан 9 миллиард еврогача тушиб кетади.
Ундан ташқари ЖЧнинг янги формати миллий чемпионатда иштирок этувчи жамоалар сонининг қисқаришига олиб келиши мумкин. Мухлислар томонидан қизиқиш ҳам тушиб кетиши кутилмоқда.
Ислоҳотлар амалга ошса, 2024/25 йилги мавсумдан бошлаб чемпионатдаги жамоалар сони 18 тагача қисқаради ва май ойида мавсум якунланиши керак бўлади. Тадқиқотчилар нафақат топ-5 лигаларни, балки MLS, Мексика, Япония ва ЖАР миллий чемпионатларини ҳам таҳлил қилди.
Аввалроқ, FIFA 2026 йилдан бошлаб футбол бўйича Жаҳон Чемпионатини ҳар икки йилда ўтказишни борасида ўз тасарруфидаги миллий ассоциацияларни огоҳлантиргани, ФИФАга аъзо ассоциацияларнинг 2/3 қисми ушбу ғояга хайрихоҳ экани хабар қилинганди.
Изоҳ (0)