O‘zbekistonda 1HLSW Elektron pullar tizimi reyestriga kiritilib, elektron pullarning chiqarilishiga ruxsat berildi. Bu haqda Markaziy bank xabar qildi.
Qayd etilishicha, “Aloqabank” aksiyadorlik tijorat banki tomonidan mazkur elektron pullar tizimining emitenti sifatida elektron pullar chiqariladi. Tizim operatori Genesis Innovation MChJ hisoblanadi.
“Gazeta.uz”ning yozishicha, Elektron pul tizimlari reyestri yuritilishi boshlanganidan buyon Markaziy bank 10 ta platformani ro‘yxatdan o‘tkazgan. Ulardan 4 tasi “Kapitalbank” ishtirokida ishga tushirilgan.
Eslatib o‘tamiz, yaqinda Markaziy bank QIWI Uzbekistan elektron pullar tizimi faoliyatiga ruxsat bergandi.
Ma’lumot o‘rnida, 2020-yil iyunida O‘zbekistonda birinchi elektron pullar tizimi ro‘yxatdan o‘tgan. Ta’sischilar PayPal bilan hamkorlikni yo‘lga qo‘yish niyatida ekanini bildirgan. Keyinroq Markaziy bank PayPal’ning O‘zbekistonda nima sababdan ishlamasligini tushuntirgan.
Izoh (0)