Ўзбекистонда 1HLSW Электрон пуллар тизими реестрига киритилиб, электрон пулларнинг чиқарилишига рухсат берилди. Бу ҳақда Марказий банк хабар қилди.
Қайд этилишича, «Aloqabank» акциядорлик тижорат банки томонидан мазкур электрон пуллар тизимининг эмитенти сифатида электрон пуллар чиқарилади. Тизим оператори Genesis Инноватион МЧЖ ҳисобланади.
«Gazeta.uz»нинг ёзишича, Электрон пул тизимлари реестри юритилиши бошланганидан буён Марказий банк 10 та платформани рўйхатдан ўтказган. Улардан 4 таси «Капиталбанк» иштирокида ишга туширилган.
Эслатиб ўтамиз, яқинда Марказий банк QIWI Uzbekistan электрон пуллар тизими фаолиятига рухсат берганди.
Маълумот ўрнида, 2020 йил июнида Ўзбекистонда биринчи электрон пуллар тизими рўйхатдан ўтган. Таъсисчилар PayPal билан ҳамкорликни йўлга қўйиш ниятида эканини билдирган. Кейинроқ Марказий банк PayPal’нинг Ўзбекистонда нима сабабдан ишламаслигини тушунтирган.
Изоҳ (0)