Sanitariya-epidemiologik osoyishtalik va jamoat salomatligi xizmati budjet tashkilotlari va tadbirkorlik subyektlarida tekshiruvlar o‘tkazildi.
2021-yilning 2-avgust kuni aholi o‘rtasida ommaviy emlashni tashkil etishning huquqiy asoslarini yanada takomillashtirishga qaratilgan qonun qabul qilindi. Qonunga ko‘ra mehnat qonunchiligiga xodim profilaktik emlashdan o‘tishni rad etgan taqdirda ish beruvchi uni ishga qo‘ymaslikka haqli ekaniga oid qo‘shimcha kiritildi.
Mavzuga doir: “Ish beruvchi emlashdan bosh tortgan xodimni ishdan haydamaydi, balki ishdan chetlatadi” – Ruslanbek Davletov
Shundan 7 905 tasi xo‘jalik yurituvchi subyektlarda, 20 018 tasi byudjet tashkilotlarida o‘tkazilgan.
Tekshirishlar davomida jami 50 056 nafar vaksina olmagan shaxslar aniqlanib, ularning 11 244 nafari xo‘jalik yurituvchi subyektlarda, 38 812 nafari budjet tashkilotlarida faoliyat ko‘rsatuvchi xodimlarni tashkil etdi.
Vaksina olmagan 26 008 nafar shaxslar ishdan vaqtinchalik chetlatilgan, 2 225 ta holatda ish beruvchiga nisbatan jarima chorasi, 175 ta obyektga nisbatan esa faoliyatini vaqtinchalik muddatga to‘xtatish chorasi qo‘llanildi.
“Albatta bu kabi olib borilayotgan chora-tadbirlardan ko‘zlangan maqsad aholi salomatligini himoya qilish, pandemiyani yengishga qaratilmoqda”, – deyiladi xabarda.
Bundan avval Toshkent viloyatida 3,2 mingdan ortiq emlanmagan fuqaro ishdan chetlashtirilgani haqida xabar berilgandi.
Izoh (0)