Farg‘ona tumanida 2 nafar fuqaro is gazidan zaharlanishi oqibatida vafot etdi, deya xabar qilmoqda viloyat IIB axborot xizmati.
Ma’lum qilinishicha, 17-noyabr kunidan 18-noyabr kuniga o‘tar kechasi Farg‘ona tumani, “Gulshan” MFY, Samo ko‘chasidagi uylarning birida istiqomat qiluvchi 62 yoshli X.A (erkak) va birga yashovchi 31 yoshli o‘g‘li X.B yashash xonadonida is gazidan zaharlanish oqibatida hodisa joyida vafot etgan.
Hozirda yuqoridagi holat yuzasidan tergov tezkor guruhi hodisa joyida ishlamoqda, voqea tafsiloti yuzasidan qo‘shimcha ravishda ma’lumot berilishi ma’lum qilingan.
Bundan avval Toshkent viloyatida bir oilaning uch a’zosi is gazidan zaharlangani, Urgutda ayol va uning ikki nafar voyaga yetmagan farzandi is gazidan zaharlanib, vafot etgani hamda Gulistonda Milliy gvardiya xodimlari uch nafar bolani is gazidan zaharlanishdan qutqarib qolgani haqida xabar berilgandi.
Izoh (0)