Санитария-эпидемиологик осойишталик ва жамоат саломатлиги хизмати бюджет ташкилотлари ва тадбиркорлик субъектларида текширувлар ўтказилди.
2021 йилнинг 2 август куни аҳоли ўртасида оммавий эмлашни ташкил этишнинг ҳуқуқий асосларини янада такомиллаштиришга қаратилган қонун қабул қилинди. Қонунга кўра меҳнат қонунчилигига ходим профилактик эмлашдан ўтишни рад этган тақдирда иш берувчи уни ишга қўймасликка ҳақли эканига оид қўшимча киритилди.
Мавзуга доир: «Иш берувчи эмлашдан бош тортган ходимни ишдан ҳайдамайди, балки ишдан четлатади» – Русланбек Давлетов
Шундан 7 905 таси хўжалик юритувчи субъектларда, 20 018 таси бюджет ташкилотларида ўтказилган.
Текширишлар давомида жами 50 056 нафар вакцина олмаган шахслар аниқланиб, уларнинг 11 244 нафари хўжалик юритувчи субъектларда, 38 812 нафари бюджет ташкилотларида фаолият кўрсатувчи ходимларни ташкил этди.
Вакцина олмаган 26 008 нафар шахслар ишдан вақтинчалик четлатилган, 2 225 та ҳолатда иш берувчига нисбатан жарима чораси, 175 та объектга нисбатан эса фаолиятини вақтинчалик муддатга тўхтатиш чораси қўлланилди.
«Албатта бу каби олиб борилаётган чора-тадбирлардан кўзланган мақсад аҳоли саломатлигини ҳимоя қилиш, пандемияни енгишга қаратилмоқда», – дейилади хабарда.
Бундан аввал Тошкент вилоятида 3,2 мингдан ортиқ эмланмаган фуқаро ишдан четлаштирилгани ҳақида хабар берилганди.
Изоҳ (0)