Bugun,

  • USD 11095.31
  • RUB 173.84
  • EUR 10772.44

Turkiya hukumati Gaiti prezidenti Jovenel Moizni o‘ldirishda ishtirok etgani gumonlanayotgan shaxslardan birini hibsga oldi. Bu haqda Gaiti tashqi ishlar vaziri Klod Jozefga tayanib, “Korrespondent.net” xabar berdi.

Jovenel Moiz

Jovenel Moiz
Foto: Reuters

“Hozirgina Turkiya vaziri, do‘stim Mevlut Chavusho‘g‘lu bilan telefon orqali suhbatlashdim va prezidentning o‘ldirilishida gumon qilinganlardan biri Samir Handalni hibsga olgani uchun Turkiyaga minnatdorlik bildirdim”, — deb yozdi Jozef Twitter’da.

Interpol tomonidan qidiruvga berilgan Handal AQShdan Iordaniyaga uchish uchun Turkiyada samolyot almashtirayotgan paytda Istanbul aeroportida qo‘lga olingan, deb yozmoqda Reuters agentligi.

Eslatib o‘tamiz, Gaiti prezidenti Jovenel Moiz 2021-yilning 7-iyuliga o‘tar kechasi qurolli hujumchilar tomonidan o‘z qarorgohida otib o‘ldirilgan. Hodisada prezidentning rafiqasi ham og‘ir jarohat olgan, ammo u AQShga olib ketilib, tibbiy yordam bilan hayoti saqlab qolingan.

Hodisadan so‘ng Klod Jozef muvaqqat hukumat rahbari etib tayinlandi. Mamlakatda esa 15 kunga harbiy holat va milliy motam e’lon qilindi.

Gaiti hukumati prezident Moizni o‘ldirgan yollanma askarlar guruhida kamida 28 kishi — 26 nafar Kolumbiya fuqarosi va kelib chiqishi gaitilik ikki nafar AQSh fuqarosi bo‘lganini aniqladi.

Keyinroq Jovenel Moizga qarshi operatsiyani tayyorlashda markaziy shaxs bo‘lishi mumkin bo‘lgan odam — kelib chiqishi gaitilik bo‘lgan shifokor Kristian Emmanuel Sanon hibsga olindi.

Izoh
Asosiy yangiliklar
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...
Sport
JCH—2022 da barcha chorak final juftliklari ma’lum bo‘ldi