Bugun,

  • USD 11095.31
  • RUB 173.84
  • EUR 10772.44

Gaiti bosh vaziri Ariel Anri poytaxt Port-o-Prens prokurori Bed-For Klodni lavozimidan chetlatish to‘g‘risidagi buyruqni imzoladi. Bundan avval prokuror respublika prezidenti Jovenel Moizning o‘ldirilishi yuzasidan bosh vazirni javobgarlikka tortishni talab qilgandi.

Ariel Anri

Ariel Anri
Foto: Global Look Press

“Sizga Port-o-Prensning hukumat komissari lavozimini tugatishingiz to‘g‘risida qaror qabul qilinganini yetkazib qo‘yish sharafiga muyassar bo‘ldim. Qaror ushbu maktubni olganingizdan so‘ng kuchga kiradi”, — deyiladi hujjatda.

Xabarga ko‘ra, bosh vazir Frans Lui Jyustni prokuror etib tayinlagan.

Gaiti prokuraturasi bosh vazir Ariel Anriga prezidentni o‘ldirishda ayblanuvchi maqomini berishni talab qilgandi. Prokuror Bed-For Klod, shuningdek, tergovdan Anrining mamlakatni tark etishini taqiqlashni so‘ragan.

Prokurorni ishdan bo‘shatish haqidagi buyruq haqiqiymi yoki yo‘q, noma’lumligicha qolmoqda, chunki 1987-yilgi Gaiti konstitutsiyasida prokuror faqat prezident tomonidan tayinlanishi yoki lavozimidan ozod etilishi mumkinligi ko‘rsatilgan. O‘z navbatida, Gaiti bosh vaziri ham faqat prezidentning ruxsati bilan qonuniy ravishda so‘roq qilinishi mumkin.

Eslatib o‘tamiz, Gaiti prezidenti Jovenel Moiz 7-iyulga o‘tar kechasi qurolli hujumchilar tomonidan o‘z qarorgohida otib o‘ldirilgan. Hodisada prezidentning rafiqasi ham og‘ir jarohat olgan, ammo u AQShga olib ketilib, tibbiy yordam bilan hayoti saqlab qolingan. Mamlakat bosh vaziri vazifasini vaqtinchalik bajaruvchi Klod Jozefning aytishicha, hujum qilganlar ingliz va ispan tillarida so‘zlashgan. Gaiti ovoz berish va partiyalararo aloqa ishlari vaziri Matias Pyerning ta’kidlashicha, Moizning o‘ldirilishi 26 kishidan iborat to‘da tomonidan uyushtirilgan. Ulardan to‘rt nafari otib tashlangan.

Keyinroq Jovenel Moizga qarshi operatsiyani tayyorlashda markaziy shaxs bo‘lishi mumkin bo‘lgan odam — kelib chiqishi gaitilik bo‘lgan shifokor Kristian Emmanuel Sanon hibsga olindi.

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?