Argentina prezidenti Alberto Fernandes 14-noyabr kuni muxolifatni dialogga chaqirib, “Umumiy front” hukumatga yordamlashuvchi alyansi parlament saylovlarida 23 ta viloyatning sakkiztasidagina yetakchilik qila olgani uchun o‘z hukumatining xatosini tan oldi, deb xabar beradi “TASS”.
“Eng qisqa vaqtlar ichida iloji boricha hamkorlikka asoslangan kun tartibini kelishib olish maqsadida xalq xohishini ifoda etayotgan arboblarga va siyosiy partiyalarga murojaat qilaman. Vatanparvarlik muxolifati — bu dialogga ochiq bo‘lgan mas’ul muxolifat. Mamlakatimiz hozirda ushbu vatanparvarlikka muhtoj”, — deydi u o‘z videomurojaatida.
“Biz xatoliklarga yo‘l qo‘ydik. Men xato qildim. Men undan xulosa chiqarishim kerak”, — deya ta’kidlagan Fernandes.
14-noyabr kuni Argentinada parlament saylovlari bo‘lib o‘tdi. Uning natijasiga ko‘ra, Deputatlar palatasidagi 257 ta joydan 127 tasi, Senatdagi 72 tadan esa 24 tasi yangilanadi. 90 foizdan ortiq ovozlarning hisob-kitobiga ko‘ra, “O‘zgarishlar uchun birga” o‘ng markaziy muxolifat alyansi hamda uning tarafdorlari 12 ta viloyatda, jumladan, mamlakat poytaxtida yetakchilik qilmoqda.
Ayni vaqtda “Umumiy front”ning yuqori palatada 41 ta, quyida esa 120 ta o‘rni mavjud. Hozirga qadar sanalgan ovozlarning prognoziga ko‘ra, “Umumiy front” Senatda yangilanayotgan o‘rinlarning to‘qqiztasini oladi va parlament yuqori palatasidagi mutlaq ko‘pchilikni yo‘qotadi. Deputatlar palatasida esa 46 ta o‘ringa ega bo‘lishi mumkin.
Avvalroq Nikaraguada prezident va parlament deputatlari uchun umumiy saylovlar bo‘lib o‘tgani, Shimoliy Makedoniya bosh vaziri Zayev ikkinchi bor iste’fo bergani to‘g‘risida xabar berilgandi.
Izoh (0)