Dastlabki ma’lumotlarga ko‘ra, halok bo‘lganlar va jarohatlanganlarning barchasi O‘zbekiston fuqarolari bo‘lgan, deb yozmoqda “TASS” favqulodda xizmatlardagi manbasiga tayanib.
Rossiya FVV Moskva viloyati bosh boshqarmasi matbuot xizmatining aniqlik kiritishicha, yong‘in soat 10:27 larda boshlangan va 200 kvadrat metr maydonni qamrab olgan. Soat 15:40 da yong‘in to‘liq o‘chirilgan.
Hozirda yong‘in sabablarini o‘rganish bo‘yicha surishtiruv ishlari olib borilmoqda.
Eslatib o‘tamiz 2020-yilning yanvar oyi oxirlarida Rossiyaning Tomsk viloyatida yuz bergan yong‘inda 12 nafar o‘zbekistonlik halok bo‘lgan, yana 2 nafari ushbu yong‘inda tirik qolgandi. Halok bo‘lganlarning jasadi va tirik qolgan ikki fuqaro O‘zbekistonga olib kelingan.
O‘sha yilning may oyida Rossiyaning Moskva viloyatidagi Ramenskoye tumanida muhojirlar yotoqxonasida yuz bergan yong‘inda 6 nafar o‘zbekistonlik halok bo‘lgandi.
Izoh (0)