Дастлабки маълумотларга кўра, ҳалок бўлганлар ва жароҳатланганларнинг барчаси Ўзбекистон фуқаролари бўлган, деб ёзмоқда «ТАСС» фавқулодда хизматлардаги манбасига таяниб.
Россия ФВВ Москва вилояти бош бошқармаси матбуот хизматининг аниқлик киритишича, ёнғин соат 10:27 ларда бошланган ва 200 квадрат метр майдонни қамраб олган. Соат 15:40 да ёнғин тўлиқ ўчирилган.
Ҳозирда ёнғин сабабларини ўрганиш бўйича суриштирув ишлари олиб борилмоқда.
Эслатиб ўтамиз 2020 йилнинг январь ойи охирларида Россиянинг Томск вилоятида юз берган ёнғинда 12 нафар ўзбекистонлик ҳалок бўлган, яна 2 нафари ушбу ёнғинда тирик қолганди. Ҳалок бўлганларнинг жасади ва тирик қолган икки фуқаро Ўзбекистонга олиб келинган.
Ўша йилнинг май ойида Россиянинг Москва вилоятидаги Раменское туманида муҳожирлар ётоқхонасида юз берган ёнғинда 6 нафар ўзбекистонлик ҳалок бўлганди.
Изоҳ (0)