Ijtimoiy tarmoqlarda Surxondaryo viloyatining Sariosiyo tumanida maktab direktori jurnalist faoliyatiga qarshilik ko‘rsatib, videokamerasiga shikast yetkazgani haqida xabarlar tarqaldi. Surxondaryo viloyati Xalq ta’limi boshqarmasi mazkur masala yuzasidan rasmiy munosabat bildirdi.
O‘rganishlar natijasida 2021-yil 12-noyabr kuni Sariosiyo tumani xalq ta’limi bo‘limi tasarrufidagi 28-sonli umumta’lim maktab direktori T.U. bir guruh o‘qituvchilarning direktor ustidan yo‘llangan shikoyat arizasini o‘rganish maqsadida borgan “Diyor24” nashri jurnalistlari faoliyatiga qarshilik ko‘rsatgani va kamerasiga shikast yetkazgani o‘z tasdig‘ini topgan.
Mazkur holat yuzasidan boshqarmaning mas’ullari tomonidan hamda ichki ishlar boshqarmasi xodimlari tomonidan tergov-surishtiruv ishlari olib borilmoqda.
Qayd etilishicha, avvalroq maktab direktori T.U.ga nisbatan o‘z lavozim majburiyatlariga sovuqqonlik bilan yondashib “fuqarolar va yuridik shaxslarning murojaatlari to‘g‘risida”gi qonunning 38-moddasini ijro intizomini va odob axloq qonun qoidalarini buzgani sababli hayfsan intizomiy jazosi qo‘llanilgan.
Tekshiruv natijalariga ko‘ra yana qo‘shimcha axborot beriladi.
Mavzuga doir:
- Jurnalist kamerasining fleshkasini yutib yuborgani aytilgan Ishtixon hokimligi matbuot xizmati xodimiga hayfsan berildi
- Qashqadaryodagi 3 ta maktabning yuqori sinf qizlari o‘zaro janjallashdi (video)
- “Uchta ‘kal’ berasan, darslarni bir kunga qo‘yib beraman”. Qashqadaryoda maktab direktori dars sotishga urindi
Izoh (0)