11-noyab kuni Berlindagi Fanlar akademiyasi zalida Iste’foga ketayotgan Germaniya kansleri Angela Merkelning portretlari jamlangan kitob taqdimoti o‘tkazildi, deb xabar beradi “Interfaks”.
Xerlinde Kelbl ismli taniqli nemis suratkashi 1991-yildan boshlab bir nechta taniqli nemis siyosatchilarini suratga olgan, jumladan, ular orasida sobiq kansler Gerxaard Shreder, sobiq tashqi ishlar vaziri del Yoshka Fisher va Merkel bor. Kelbl 30 yil davomida Merkelga suratkash sifatida hamrohlik qilgan.
“Men hokimiyat odamlarni nafaqat ruhiy, balki jismoniy jihatdan ham o‘zgartirishini bilmoqchi edim. Fisher o‘shanda hokimiyat odamlarni ular egallagan joydan ko‘ra tezroq o‘zgartirishini aytgandi”, — deydi muallif o‘z taqdimotida.
Loyiha uchun u oddiy konsepsiyani tanlagan — kadrda faqat Merkel oq devor fonida bo‘lishi kerak, xonada agar biror buyum bo‘lsa, u ham stul, ammo eng muhimi — hokimiyatning boshqa hech qanday ramzi bo‘lmasligida.
“Merkel hech qachon suratlarimni nazorat qilishga urinmagan. U hatto hozir ham kitobim chop etilmaguncha, unga tanlangan suratlarni ko‘rgani yo‘q”, — deya oydinlik kiritadi muallif.
Kelblning baholashicha, Merkel shuhratparastlik kabi narsalardan butkul yiroq. Shuhratparastlik — bu ko‘pchilikning Axilles payi hisoblanadi, ko‘plab erkaklar Angela Merkeldan ko‘ra kekkaygan”, — deya hisoblaydi suratkash.
Kelblning so‘zlariga ko‘ra, 1998-yilda Merkel birinchi bor o‘zining mashhurlikka erishgan ishorasini ko‘rsatgan — qo‘llarini “uy” shaklida birlashtirish, shundan keyin ushbu ishoradan ko‘pchilik foydalangan yoki bu borada hazil qilgan. Kelblning ta’kidlashicha, Merkelni suratga olish uning uchun alohida ahamiyatga ega va u ajratilgan vaqt uchun Germaniya kansleridan minnatdor.
Eslatib o‘tamiz, 27-sentabr kuni bo‘lib o‘tgan Germaniyadagi parlament saylovlarida amaldagi moliya vaziri Olaf Shols rahbarligidagi Sotsial-demokratik partiya (GSDP) g‘alaba qozondi. Unga saylovchilarning 25,7 foizi ovoz berdi, ushbu natijaga muvofiq u yangi Bundestagda 206 ta o‘ringa ega bo‘ladi.
Saylov yakunlariga ko‘ra, Angela Merkel kansler lavozimini tark etadi. U hukumat rahbarligini o‘z ixtiyori bilan topshirishga va saylovlarda qatnashmaslikka qaror qilgandi.
Izoh (0)