Dunyo va o‘zbek sportiga oid 9-noyabr kunining eng muhim xabarlari dayjesti bilan tanishing.
O‘zbekiston
Sambo bo‘yicha Jahon chempionatidagi ishtirok etadigan sambochilar ma’lum qilindi
Toshkent shahrida 12—14-noyabr kunlari sambo bo‘yicha kattalar o‘rtasida Jahon chempionati o‘tkaziladi. Mazkur musobaqada O‘zbekiston terma jamoasi safida quyidagi tarkibda ishtirok etadi:
Erkaklar:
- -58 kg: Lutfulla Saydamatov
- -64 kg: Davlatjon Hamroyev
- -71 kg: Sarbon Ernazarov
- -79 kg: Ulug‘bek Rahmonov
- -88 kg: Ixtiyor Eshmurodov
- -98 kg: Nodirjon Mirxoliqov
- +98 kg: Nurbek To‘rayev.
Ayollar:
- -50 kg: Sabina Davlatova
- -54 kg: Malikabonu Mirzayeva
- -59 kg: Ibodatxon Agajanova
- -65 kg: Sarvinoz Esanova
- -72 kg: Shohista Amirova
- -80 kg: Madinabonu Salohiddinova
- +80 kg: Yulduz Muhammadiyeva
Jangovar sambo:
- -58 kg: Bahodir Boqiyev
- -64 kg: Oybek Soliyev
- -71 kg: Istam Qudratov
- -79 kg: Furqat Ro‘ziyev
- -88 kg: Sohibjon Hasanboyev
- -98 kg: Ro‘zimurod Yo‘ldoshev
- +98 kg: Hakimjon Ismoilov
19-turning qoldirilgan o‘yiniga hakam tayinlandi
11-noyabr kuni futbol bo‘yicha O‘zbekiston Superligasining 19-turidan o‘rin olgan qoldirilgan uchrashuv bo‘lib o‘tadi. Unda “Surxon” o‘z maydonida “Nasaf” bilan bahs olib boradi. Professional futbol ligasi (PFL) mazkur bosqichda faoliyat olib boradigan rasmiylarni e’lon qildi.
Superliga
19-tur o‘yini
11-noyabr, payshanba
“Surxon” – “Nasaf”
Hakamlar: Vadim Agishev, Bektursun Kannazarov, Jalgasbay Sarsenov, Jaloliddin HusniddinovNazoratchi: Baxtiyor Namozov
Komissar: Vladimir Nazarov.
Xavi “Barselona”da yangi qoidalarni joriy qildi
“Barselona” bosh murabbiyi Xavi jamoada yangi qoidalarni joriy qildi.
Endilikda futbolchilar mashg‘ulot boshlanishiga bir yarim soat qolganda klub bazasiga yetib kelishi kerak. Bu vaqt ichida ular nonushta qilishi, mashg‘ulotlarga tayyorgarlik ko‘rish va individual mashqlarni bajarishi lozim. Murabbiylar shtabi a’zolari esa mashg‘ulotlar boshlanishidan 2 soat oldin klub bazasida bo‘lishi shart.
Xavi, shuningdek, qoidabuzarliklar uchun jarima tizimini ham qaytardi. Takroriy huquqbuzarliklar uchun jarimalar miqdori oshib boraveradi. Ushbu qoida Luis Enrike klubni tark etganidan so‘ng bekor qilingandi.
Bundan tashqari, futbolchilar yaxshi imijda bo‘lishi va ommaga o‘rnak bo‘lishi kerak.
Reshford Britaniya imperiyasi ordeni bilan taqdirlandi
“Manchester Yunayted” hujumchisi Markus Reshford Britaniya imperiyasining kavaler ordeni bilan taqdirlandi.
Angliyalik hujumchi 2020-yil oktabr oyida bolalar uchun bepul ovqatlanish kampaniyasini tashkil qilgani uchun mukofotlangan.
9-noyabr kuni Britaniya taxti vorisi shahzoda Uilyam Vindzor qasrida futbolchiga ordenni topshirdi.
Ramos “PSJ”ning umumiy guruh mashg‘ulotlariga qo‘shildi
“PSJ” himoyachisi Serxio Ramos Parij klubining jamoaviy mashg‘ulotlariga qo‘shildi. Bu haqda Le Parisien xabar berdi.
Qayd etilishicha, ispaniyalik futbolchi Parij klubining yosh futbolchilariga qarshi o‘yinda ishtirok etgan.
Ma’lumot uchun, Ramos yozda “PSJ”ga o‘tganidan beri oyog‘idagi jarohat sabab hali yangi jamoasida debyut qilgani yo‘q.
Pogba yil oxirigacha maydonga tusha olmasligi mumkin
“Manchester Yunayted” yarim himoyachisi Pol Pogba Fransiya terma jamoasi safida jarohat oldi.
28 yoshli futbolchining son mushaklari shikastlangan va terma jamoa ixtiyorini tark etgan.
Dastlabki tekshiruvga ko‘ra, futbolchi 8—10 hafta davomida maydonga tusha olmaydi. Shu tariqa Pogba yil oxiriga qadar safdan chiqqan bo‘lishi mumkin.
Messi Braziliyaga qarshi o‘yinda maydonga tushishi mumkin
Argentina terma jamoasi hujumchisi Lionel Messi JCh—2022 saralash bosqichi doirasidagi Urugvay va Braziliyaga qarshi o‘yinlarda ishtirok etishi mumkin.
Get French Football News’ning xabar berishicha, “PSJ”ning so‘nggi ikki o‘yinini o‘tkazib yuborgan 34 yoshli hujumchi terma jamoa ixtiyoriga yetib kelgan va mashg‘ulotlarga kirishgan.
Qayd etilishicha, terma jamoa tibbiy shtabi Messiga 17-noyabr kuni Braziliyaga qarshi o‘yinni to‘liq o‘tkazishga ruxsat bergan. Shuningdek, u 13-noyabr kuni Urugvayga qarshi uchrashuvda ham maydonga tushishi mumkin.
Avvalroq Messining jarohat olgani va tiklanish muddati uzoq vaqt davom etishi mumkinligi haqida xabar berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)