Ijtimoiy tarmoqlarda Olmaliq shahrida ikki fuqaroning quturishdan vafot etgani to‘g‘risida xabarlar tarqaldi. Veterinariya va chorvachilikni rivojlantirish davlat qo‘mitasi o‘rganishlar natijasida bu xabarlar tasdig‘ini topmaganini ma’lum qildi.
Shuningdek, tarqalgan xabarda 141 nafar yoshlarning quturish kasalligiga chalingani to‘g‘risidagi ma’lumotlar mutlaqo asossiz ekani bildirildi. Ammo olti oy avval qarovsiz qolgan daydi itning tishlashi oqibatida, ya’ni quturgan daydi it jarohat yetkazgan shaxslar o‘z vaqtida shifokorga murojaat qilmagani tufayli ikki kishi vafot etgani aniqlangan.
Avvalroq Farg‘ona viloyati Oltiariq shahridagi mahallada bir bosh sigirda quturish kasalligi aniqlangani haqida xabar berilgan edi. Ushbu mahalla tuman hokimining qarori bilan quturish kasalligi bo‘yicha nosog‘lom punkt deb e’lon qilinib, cheklov qo‘yilgan. Sigir boqilayotgan xonadon egasi va uning turmush o‘rtog‘i kasal hayvon bilan kontaktda bo‘lgani uchun tuman Sanitariya epidemiologiya osoyishtaligi va jamoat salomatligi markaziga yotqizilgan.
Izoh (0)