Prezident Shavkat Mirziyoyev raisligida o‘tgan videoselektor yig‘ilishida “Yashil makon” umummilliy loyihasini amalga oshirish ishlari haqida gapirib o‘tdi. Bu haqda “Daryo” muxbiri xabar qildi.
“Oxirgi 3-4 kunda bo‘lib o‘tgan changli ob-havo sharoiti ham ushbu dastur qanchalik to‘g‘ri ekanligini yaqqol ko‘rsatib turibdi.
Bir narsani aniq tushunish kerak, viloyat, tuman va shahar hokimlari uch kun muddatda o‘zining hududida xalqqa murojaat qiladi, Prezident va Senatga qilingan ishlar haqida har oyda hisobot beradi.
Masalan, bugungi kunga qadar Qoraqalpog‘iston, Namangan, Toshkent viloyati va Toshkent shahri ishga faol kirishdi.
Lekin Surxondaryo, Sirdaryo (1 foizdan) va Xorazm (2 foiz) viloyatlarida daraxt ekish reja ko‘rsatkichlaridan ancha ortda qolmoqda.
Shu bilan birga, Qo‘shrabot, Kattaqo‘rg‘on, Tomdi, Do‘stlik, Arnasoy, Forish, Yangiariq, Sherobod, Termiz, Muzrabot, G‘uzor, Kitob tumanlarida ko‘chat ekish ishlari haligacha boshlanmagan. Ushbu tuman hokimlariga qat’iy ogohlantirildi”, — deydi Shavkat Mirziyoyev.
Prezident vazirlik, tarmoq, korxona rahbarlari o‘z rejalarini bajarilishiga javob berishi, har bir vazirlik va idora, viloyat yoki tuman va shahar hokimi o‘ziga majburiyat olishi shartligini ta’kidladi.
Mavzuga doir:
- “Qozog‘istondan kelib, Qozog‘istonga qaytib ketdi”. Jahongir Ortiqxo‘jayev Toshkentda kuzatilgan chang bo‘roni haqida
- “‘Sog‘lom turmush tarzi’ platformasiga 60 milliard so‘m ajratiladi” – Shavkat Mirziyoyev
- “Respublika kardiologiya markazlarida davolanish uchun berilgan barcha imtiyozlar filiallarga ham to‘liq tatbiq etiladi” — Shavkat Mirziyoyev
Izoh (0)