Ижтимоий тармоқларда Олмалиқ шаҳрида икки фуқаронинг қутуришдан вафот этгани тўғрисида хабарлар тарқалди. Ветеринария ва чорвачиликни ривожлантириш давлат қўмитаси ўрганишлар натижасида бу хабарлар тасдиғини топмаганини маълум қилди.
Шунингдек, тарқалган хабарда 141 нафар ёшларнинг қутуриш касаллигига чалингани тўғрисидаги маълумотлар мутлақо асоссиз экани билдирилди. Аммо олти ой аввал қаровсиз қолган дайди итнинг тишлаши оқибатида, яъни қутурган дайди ит жароҳат етказган шахслар ўз вақтида шифокорга мурожаат қилмагани туфайли икки киши вафот этгани аниқланган.
Аввалроқ Фарғона вилояти Олтиариқ шаҳридаги маҳаллада бир бош сигирда қутуриш касаллиги аниқлангани ҳақида хабар берилган эди. Ушбу маҳалла туман ҳокимининг қарори билан қутуриш касаллиги бўйича носоғлом пункт деб эълон қилиниб, чеклов қўйилган. Сигир боқилаётган хонадон эгаси ва унинг турмуш ўртоғи касал ҳайвон билан контактда бўлгани учун туман Санитария эпидемиология осойишталиги ва жамоат саломатлиги марказига ётқизилган.
Изоҳ (0)