Bugun,

  • USD 11095.31
  • RUB 173.84
  • EUR 10772.44

Bundan buyon, bemorlarning Respublika kardiologiya markazlarida davolanishi uchun berilgan barcha imtiyozlar (order berish tartibi), ularning filiallariga ham to‘liq tatbiq etiladi. Bu haqda Shavkat Mirziyoyev raisligida o‘tayotgan yurak-qon tomir kasalliklari mavzusidagi videoselektor yig‘ilishida ma’lum qilindi, deya xabar bermoqda “Daryo” muxbiri.

Hozirgacha yurak tomirlarini stentlash amaliyoti order asosida respublika markazlarida bepul bajarilsa, viloyat filiallarida ushbu xizmatlar bemor tomonidan 100 foiz qoplanadi.

Prezident tomonidan SSV vaziri A.Hojiboyev, Kardiologiya markazi rahbari (Xurshid Fozilov) viloyat hokimlari bilan birga, ikki oy muddatda kelgusi ikki yilda barcha ixtisoslashgan kardiologiya xizmatlarini viloyatgacha tushirish bo‘yicha dastur ishlab chiqishi bo‘yicha topshiriq berildi.

“Kardiologiya markazining viloyat filiallarida ko‘rsatiladigan xizmatlar 15 tadan 35 tagacha yetkaziladi. Misol uchun, Kardiologiya markazining Xorazm viloyati filialiga Orolbo‘yi mintaqaviy markaz maqomi berilib, uni jihozlashga 20 milliard so‘m ajratilgani hisobiga respublika darajasida amalga oshiriladigan barcha amaliyotlar viloyatning o‘zida yo‘lga qo‘yiladi.

Hojiboyev, Kardiologiya markazi rahbari (Xurshid Fozilov) viloyat hokimlari bilan birga kelgusi yil 1-iyulga qadar ushbu amaliyotni Namangan, Qashqadaryo, Samarqand, Sirdaryo va Jizzaxda, kelgusi yil yakunigacha Qoraqalpog‘iston, Andijon, Buxoro, Navoiy, Surxondaryo, Farg‘ona viloyatlarida yo‘lga qo‘ysin.

Shuningdek, Zaripov, Bozorov Hojiboyev bilan birga kelgusi yil 1-iyunga qadar Kardiologiya markazi viloyat filiallarini zamonaviy angiograf bilan ta’minlasin.

Hojiboyev, Davron Hidoyatov kelgusi yil yakuniga qadar Nurafshon shahrida barpo etilayotgan tibbiyot klasterida Kardiologiya markazini tashkil qilsin”, – deya topshiriq berdi Prezident.

Izoh
Asosiy yangiliklar
Dunyo
Sovuq urushni boshlagan Cherchill, Chexiyadagi shifoxonada ommaviy qotillik va Chili diktatori Pinochetning o‘limi. Kun xronologiyasida 10-dekabr
Mahalliy
O‘zbekistonning barcha hududlarida 10-dekabr yog‘ingarchiliksiz o‘tadi
Dunyo
“Daryo” kundaligida 9-dekabrda sodir bo‘lgan eng muhim voqealar