Bugun,

  • USD 11095.31
  • RUB 173.84
  • EUR 10772.44

Shavkat Mirziyoyev raisligida o‘tayotgan yurak-qon tomir kasalliklari mavzusidagi videoselektor yig‘ilishida davlat rahbari “Sog‘lom turmush tarzi” platformasi bo‘yicha targ‘ibot ishlarini kuchaytirish va platformadan foydalanuvchilar ko‘lamini yanada kengaytirishga, qo‘shimcha 60 milliard so‘m ajratilishini aytdi. Bu haqda “Daryo” muxbiri xabar qildi.

Foydalanuvchilar bugungi kunda 600 ming nafarga yetgani, ularga har 10 ming qadam yurgani uchun 18 milliard so‘m to‘lab berilgani ta’kidlandi.

“Yurak-qon tomir kasalliklarning asosiy sabablaridan biri bu – albatta, sog‘lom turmush tarziga rioya qilmaslik hisoblanadi.

Misol uchun, agar 40 yoshdan oshganlar kuniga 7-8 ming qadam yursa, yurak-qon tomir kasalliklariga chalinish 20 foizga kamayishi nufuzli xalqaro ilmiy tashkilotlar tomonidan isbotlangan.

Endi sog‘lom turmush tarzini targ‘ib etishda har yili eng namunali mahallalarni tanlab, ularga zamonaviy fitnes ko‘chalarini barpo etish uchun 100 milliard so‘m ajratamiz.

Viloyat hokimlari 2 tadan, tuman va shahar hokimlari 1 tadan xuddi shu kabi namunali mahallani tashkil qilsin.

Hojiboyev va Musayevga kelgusi yil 1-sentabrga qadar “to‘g‘ri ovqatlanish va sog‘lom turmush tarzi” xonalarini tashkil etib, bemorlarni 35 turdagi ko‘rsatma materiallar bilan ta’minlasin.

Alisher Xo‘jayev va Asad Xo‘jayev bu ishlarni ommaviy axborot vositalarida keng yoritib borishga shaxsan mas’ul bo‘ladi”, – deydi Prezident.

Bundan avval O‘zbekistonda “1hls.uz” mobil ilovasi qayta ishga tushiriladi va takomillashtirilishi haqida xabar berilgandi.

Eslatib o‘tamiz, Vazirlar Mahkamasining 2021-yil 28-apreldagi “Sog‘lom turmush tarzi” platformasi faoliyatini tashkil etish chora-tadbirlari to‘g‘risida”gi 253-sonli qaroriga muvofiq, aholini kunlik yurish va yugurishga targ‘ib qilish bo‘yicha “Sog‘lom turmush tarzi” platformasi, ya’ni “1hls.uz” veb-sahifasi hamda mobil ilovasi ishga tushirilgandi. Sentabr o‘rtalariga kelib, “1hls.uz” mobil ilovasi foydalanuvchilariga pul to‘lashni vaqtincha to‘xtatgan.

Izoh
Asosiy yangiliklar
Dunyo
Trampning sobiq maslahatchisi prezident saylovida qatnashishga tayyorligini bildirdi
Madaniyat
“Kuniga 1 000 dollar topganda talash bo‘lgan ota keksayganda hech kimga kerak bo‘lmay qoldi” — Bobomurod Hamdamovning kelini oiladagi kelishmovchiliklar haqida (vi...
Sport
Braziliya terma jamoasi ketma-ket 8-marta mundial chorak finaliga chiqdi