O‘zbekiston IIV YHXBB, shuningdek, hududiy boshqarmalar xabar bergan yo‘l-transport hodisalari tafsilotlarini taqdim etamiz.
Qum bo‘ronida sodir bo‘lgan YTH sabab bir kishi vafot etdi.
Qayd etilishicha, 2021-yilning 4-noyabr kuni soat 13:30 larda Navoiy viloyati, Konimex tumani hududidan o‘tuvchi A-379 avtomobil yo‘lida haydovchi, 1985-yilda tug‘ilgan U.T. boshqaruvidagi Captiva hamda haydovchi, 1962-yilda tug‘ilgan M.E. boshqaruvidagi Nexia va haydovchi, 1984-yilda tug‘ilgan A.T. boshqaruvidagi Cobalt avtomobili ishtirokida to‘qnashuv sodir bo‘lgan. Ushbu hodisaga qum bo‘roni ko‘ruvchanlikni cheklagani va oraliq masofa saqlanmagani sabab bo‘lgan.
Oqibatda Cobalt avtomobilida bo‘lgan yo‘lovchi olgan og‘ir tan jarohatlari tufayli voqea joyida vafot etgan.
Mazkur YTH yuzasidan Konimex tumani IIB huzuridagi TB tomonidan dastlabki tergov harakatlari olib borilmoqda.
Namanganda Lacetti velosipedchining hayotiga zomin bo‘ldi.
Shuningdek, 2021-yil 4-noyabr kuni soat 13:20 larda, Namangan shahar “Zarbdor” MFY hududida Lacetti avtomashinasini (ishonch qog‘ozi bilan) boshqarib ketayotgan haydovchi harakat xavfsizligini ta’minlay olmay, yo‘l chetida turgan Spark avtomashinasiga urilib, yo‘l chetida ketayotgan velosipedchi, 1974-yilda tug‘ilgan fuqaroni urib yuborgan. Oqibatda velosipedchi voqea joyida vafot etgan.
Ushbu holat bo‘yicha shahar IIO FMB huzuridagi TB tomonidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Uychida daraxtga urilgan Lacetti haydovchisi mashina ichida yonib ketdi.
2021-yil 4-noyabr kuni tungi soat 23:30 larda Uychi tumanida yashovchi 1992-yilda tug‘ilgan fuqaro Lacetti avtomashinasini Jiydakapa–Uychi–Chortoq avtomobil yo‘lining 4-kilometrida Uychi yo‘nalishi bo‘ylab boshqarib ketayotib, harakat xavfsizligini ta’minlay olmay, boshqaruvni yo‘qotib yo‘lning chap tomon chetiga chiqib ketgan va yong‘oq daraxtiga urilishi natijasida avtomashina yonib ketgan. Oqibatda haydovchi voqea joyida vafot etgan.
Mazkur holat yuzasidan Uychi tuman IIB huzuridagi Tergov bo‘linmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Hozirda tergov harakatlari olib borilmoqda.
Mavzuga doir:
- O‘zbekistonda so‘nggi kunlarda sodir bo‘lgan YTHlar oqibatida 4 kishi vafot etdi. Ularning 2 nafari voyaga yetmagan
- Mashina ichida yonib ketgan haydovchi, eshak arava bilan to‘qnashgan Nexia. O‘zbekiston yo‘llarida sodir bo‘lgan YTH tafsilotlari
- Farg‘onada “Jiguli” va Nexia ishtirokida sodir bo‘lgan YTH oqibatida to‘rt kishi halok bo‘ldi
Izoh (0)