O‘zbekiston Ichki ishlar vazirligi YHXBB tomonidan 3-noyabr kuni xabar berilgan yo‘l-transport hodisalari tafsilotini taqdim etamiz.
“Shiribom” ko‘prigida Lacetti yonib ketdi
Ma’lum qilinishicha, 2021-yilning 2-noyabr kuni soat 23:00 larda Toshkent shahar, Olmazor tumani, THAY ko‘chasida haydovchi I.M. Lacetti avtomobilida harakatlanayotib boshqaruvni yo‘qotgan va yo‘l o‘rtasidagi simyog‘ochga urilgan. YTH oqibatida avtomobilda yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.
Hodisa natijasida haydovchiga shifoxonada birinchi tez tibbiy yordam ko‘rsatilgan.
Mazkur holat yuzasidan Olmazor tuman FVB va YHXB xodimlari tomonidan surishtiruv olib borilmoqda.
Chiroqchida Nexia avtomobili pastlikka tushib ketdi
2021-yilning 2-noyabr kuni soat 10:30 larda Qashqadaryo viloyati, Chiroqchi tumani, Xalqobod qishlog‘i hududida haydovchi, 1999-yilda tug‘ilgan D.B. Nexia avtomobilni boshqarayotib, ehtiyotsizligi oqibatida boshqaruvni yo‘qotgan va yo‘l chetiga chiqib ketib, pastlikka (soyliqqa) ag‘darilib ketgan.
Hodisa natijasida avtomobilda bo‘lgan yo‘lovchi, 2002-yilda tug‘ilgan J.S. tan jarohatlari olib shifoxonaga yotqizilgan.
Mazkur YTH yuzasidan Chiroqchi tumani IIO FMB huzuridagi TB tomonidan dastlabki tergovga qadar tekshiruv harakatlari olib borilmoqda.
Shahrixonda Damas va Labo to‘qnashdi
2021-yilning 3-noyabr kuni soat 14:05 larda Andijon viloyati, Shahrixon tumani, Ahmadbek qishlog‘i hududidan o‘tuvchi avtomobil yo‘lida haydovchi, 1998-yilda tug‘ilgan A.M. Matiz avtomobilini boshqarayotib, qarama-qarshi yo‘nalishga chiqib ketishi natijasida, haydovchi, 1979-yilda tug‘ilgan M.A. boshqaruvida bo‘lgan Labo rusumli avtomobil bilan to‘qnashgan.
YTH natijasida Labo haydovchisi M.A. tan jarohatlari bilan shifoxonaga yotqizilgan hamda ushbu avtomobil yo‘lovchisiga birinchi tez tibbiy yordam ko‘rsatilgan.
Mazkur YTH yuzasidan Shahrixon tumani IIB YHXB xodimlari tomonidan surishtiruv harakatlari olib borilmoqda.
Bundan tashqari Jizzax viloyatida ham bir qancha YTHlar qayd etilgan.
Izoh (0)