ЖЧ—2021. Абдумалик Ҳалоков россиялик боксчидан устун келди ва камида бронза медалини нақд қилиб қўйди

Белград шаҳри мезбонлигида ўтаётган бокс бўйича Жаҳон чемпионатининг 2 ноябрь кунги баҳслари бўлиб ўтмоқда.

-60 кг вазн тоифасида Ўзбекистон шарафини ҳимоя қилаётган Абдумалик Ҳалоков россиялик Всеволод Шумковга қарши рингга кўтарилди. Учала раундда ҳам Абдумалик устунлик қилди ва 5:0 ҳисобида ғалаба қозонди.

Абдумалик Ҳалоков аввалги босқичларда македониялик Жасин Ляма, словениялик Тадей Чернога устидан ғалаба қозонганди.

2 ноябрь куни яна тўрт нафар ўзбекистонлик боксчи ўз жангини ўтказади.

• -75 кг: Саиджамшид Жаъфаров — Випарон Жонгжохо (Таиланд) – 19:15 дан кейин;
• +92 кг: Лазизбек Муллажонов — Давид Чалоян (Арманистон) – 20:15 дан сўнг;
• -63,5 кг: Мужибилло Турсунов — Энди Круз (Куба) – 22:55 дан кейин;
• -92 кг: Мадиёр Саидраҳимов — Льюис Уильямс (Англия) – 00:40 дан сўнг.