Россиянинг энг йирик авиакомпанияларидан бири «Аэрофлот» Наманган халқаро аэропортига илк парвозини амалга оширди. Бу ҳақда «Дарё» мухбири Азизбек Абдувалиев хабар бермоқда.
Авиакомпания Airbus А320 русумли ҳаво кемасида 2 ноябрь куни тонгда Санкт-Петербург—Наманган йўналишида 155 нафар йўловчини гуллар шаҳрига етказди.
Аэропортда ушбу рейс тантанали кутиб олинди ва ўзига хос сувли арка ҳосил қилинди. Бу аэропортга илк маротаба қўнган авиакомпанияга эҳтиром рамзи ҳисобланади.
Орадан икки соат ўтиб мазкур самолёт 157 нафар йўловчи билан Наманган—Санкт-Петербург йўналишида учиб кетди.
Наманган халқаро аэропорти матбуот котиби Ситора Абдуғаниеванинг «Дарё»га маълум қилишича, «Аэрофлот» ҳафтасига икки кун — сешанба ва жума кунлари Санкт-Петербург—Наманган—Санкт-Петербург йўналишида парвозларни амалга оширишни режалаштирган.
Изоҳ (0)