Futbol bo‘yicha Fransiya chempionatining 12-turidan o‘rin olgan o‘yinda “PSJ” 29-oktabr, juma kuni “Lill” bilan bahs yuritdi.
Parijda o‘tgan bellashuv mezbonlarning 2:1 hisobidagi g‘alabasi bilan yakunlandi. Dastlab 31-daqiqada “Lill” Jonatan Devidning goli evaziga hisobda oldinga chiqib olgandi. Biroq o‘yinning so‘nggi qismida Parij klubi ustunlikni o‘z qo‘liga oldi: 74-daqiqada Markinyos, 88-daqiqada esa Anxel di Mariya o‘z nomiga bittadan gol yozdirib qo‘yib, jamoasiga g‘alabani taqdim etdi.
Qayd etish joiz, mazkur uchrashuvda “PSJ” hujumchisi Kilian Mbappe maydonga tushmadi. Lionel Messi esa birinchi bo‘limdan so‘ng o‘zini noqulay his qilgani uchun almashtirildi.
G‘alabadan keyin “PSJ” 31 ochko bilan musobaqa jadvalida peshqadamlik qilmoqda. Amaldagi chempion “Lill” (15) 11-pog‘onani egallab turibdi.
Liga 1
12-tur bahsi
“PSJ” — “Lill” 2:1
Gollar: 0:1 – 31 Devid, 1:1 – 74 Markinyos, 2:1 – 88 di Mariya.“PSJ” – Donnarumma, Kerer (Dagba, 65), Markinyos, Kimpembe, Bernat (Mendesh, 65), Veynaldum (Draksler, 84), Guye, Danilu Pereyra, di Mariya, Messi (Ikardi, 46), Neymar.
“Lill” – Grbich, Chelik, Fonte, Tiagu Jalo, Reynildu, Ikone (Vea, 79), Sheka, Sanshesh, Yilmaz (Onana, 75), Devid, Bamba (Yaziji, 90).
Ogohlantirishlar: Reynildu (5), Yilmaz (36), Sanshesh (57), Chelik (63), Grbich (85).
Izoh (0)