Футбол бўйича Франция чемпионатининг 12-туридан ўрин олган ўйинда «ПСЖ» 29 октябрь, жума куни «Лилль» билан баҳс юритди.
Парижда ўтган беллашув мезбонларнинг 2:1 ҳисобидаги ғалабаси билан якунланди. Дастлаб 31-дақиқада «Лилль» Жонатан Дэвиднинг голи эвазига ҳисобда олдинга чиқиб олганди. Бироқ ўйиннинг сўнгги қисмида Париж клуби устунликни ўз қўлига олди: 74-дақиқада Маркиньос, 88-дақиқада эса Анхель ди Мария ўз номига биттадан гол ёздириб қўйиб, жамоасига ғалабани тақдим этди.
Қайд этиш жоиз, мазкур учрашувда «ПСЖ» ҳужумчиси Килиан Мбаппе майдонга тушмади. Лионель Месси эса биринчи бўлимдан сўнг ўзини ноқулай ҳис қилгани учун алмаштирилди.
Ғалабадан кейин «ПСЖ» 31 очко билан мусобақа жадвалида пешқадамлик қилмоқда. Амалдаги чемпион «Лилль» (15) 11-поғонани эгаллаб турибди.
Лига 1
12-тур баҳси
«ПСЖ» — «Лилль» 2:1
Голлар: 0:1 – 31 Дэвид, 1:1 – 74 Маркиньос, 2:1 – 88 ди Мария.«ПСЖ» – Доннарумма, Керер (Дагба, 65), Маркиньос, Кимпембе, Бернат (Мендеш, 65), Вейналдум (Дракслер, 84), Гуйе, Данилу Перейра, ди Мария, Месси (Икарди, 46), Неймар.
«Лилль» – Грбич, Челик, Фонте, Тиагу Жало, Рейнилду, Иконе (Веа, 79), Шека, Саншеш, Йилмаз (Онана, 75), Дэвид, Бамба (Язижи, 90).
Огоҳлантиришлар: Рейнилду (5), Йилмаз (36), Саншеш (57), Челик (63), Грбич (85).
Изоҳ (0)