Serbiyaning Belgrad shahrida boks bo‘yicha Jahon chempionatining 5-kungi bahslari 29-oktabr, juma kuni bo‘lib o‘tmoqda.
-92 kg vazn toifasida Madiyor Saidrahimov belaruslik Vladislav Smyaglikovga qarshi ringga ko‘tarildi. Uchala raundda ustunlikka erishgan Saidrahimov raqibini 5:0 hisobida yengdi va keyingi bosqich yo‘llanmasini hal qildi.
Eslatib o‘tamiz, avvalroq amaldagi Jahon chempioni Shahobiddin Zoirov serbiyalik Tamir Galanovdan ustun kelgandi. 28-oktabr kuni Asadxo‘ja Mo‘ydinxo‘jayev falastinlik raqibini mag‘lub etib, 1/8 finalga yo‘llanmani qo‘lga kiritdi, amaldagi jahon chempioni Mirazizbek Mizaxalilov amerikalik bokschiga mag‘lub bo‘lib, o‘z ishtirokini yakunladi, 27-oktabr kuni Shohjahon Abdullayev belgiyalik bokschiga qarshi jangda nokautga uchradi.
26-oktabr kungi bahslarda Saidjamshid Ja’farov slovakiyalik raqibi yengib, keyingi bosqich yo‘llanmasiga ega bo‘lgan bo‘lsa, Hasanboy Do‘stmatov qozog‘istonlik raqibiga imkoniyatni boy berib, musobaqa bilan xayrlashdi. Odiljon Aslonov esa jangsiz 1/16 finalga yo‘l oldi.
Izoh (0)