Majburiy ijro byurosi Toshkent shahri Shayxontohur tumanidagi “Farovon” restoranini kimoshdi savdosiga qo‘ydi. Lot ma’lumotlari “E-auksion” portalida e’lon qilindi.
Lot izohida yozilishicha, restoran 2016-yilda qurilgan. Bino 2 qavat va 92 xonadan iborat bo‘lib, 0,67 gektar maydonda joylashgan. Umumiy maydon 5,5 ming kvadrat metrni tashkil etadi. Foydali maydon — 4,8 ming kvadrat metr.
Restoran xo‘jalik sudining avgust oyidagi qarori bilan kimoshdi savdosiga qo‘yilgan. Binoda gaz, elektr, suv ta’minoti va kanalizatsiya mavjud.
Auksionga qo‘yilgan binoning boshlang‘ich bahosi — 42,75 milliard so‘m. Savdolar 29-noyabrga belgilangan. Arizalar 27-noyabrga qadar qabul qilinadi.
Mavzuga doir: MIB Bo‘stonliqda auksionga qo‘ygan dala hovli uchun 7,7 mlrd so‘m boshlang‘ich narx belgilandi
Izoh (0)