Мажбурий ижро бюроси Тошкент шаҳри Шайхонтоҳур туманидаги «Фаровон» ресторанини кимошди савдосига қўйди. Лот маълумотлари «E-auksion» порталида эълон қилинди.
Лот изоҳида ёзилишича, ресторан 2016 йилда қурилган. Бино 2 қават ва 92 хонадан иборат бўлиб, 0,67 гектар майдонда жойлашган. Умумий майдон 5,5 минг квадрат метрни ташкил этади. Фойдали майдон — 4,8 минг квадрат метр.
Ресторан хўжалик судининг август ойидаги қарори билан кимошди савдосига қўйилган. Бинода газ, электр, сув таъминоти ва канализация мавжуд.
Аукционга қўйилган бинонинг бошланғич баҳоси — 42,75 миллиард сўм. Савдолар 29 ноябрга белгиланган. Аризалар 27 ноябрга қадар қабул қилинади.
Мавзуга доир: МИБ Бўстонлиқда аукционга қўйган дала ҳовли учун 7,7 млрд сўм бошланғич нарх белгиланди
Изоҳ (0)