2021—2022-yillar kuz—qish mavsumiga tayyorgarlik ko‘rish maqsadida olib boriladigan ta’mirlash ishlari sabab Toshkentning qator tumanlarida gaz ta’minoti vaqtincha uziladi. Bu haqda “Hududgaz poytaxt” xabar berdi.
Xususan, “Yangihayottumangaz” ta’minoti bo‘limi tomonidan Oqqo‘rg‘on ko‘chasida joylashgan o‘rta bosim D-76 millimetr yerusti gaz quvurini harakatdagi gaz quvuriga ulash ishlari rejalashtirilgan. Shu sababli, 28-oktabr kuni soat 11:00 dan 17:00 ga qadar Oqqo‘rg‘on, Oydin, Ismoilova ko‘chalaridagi xonadonlarda hamda ulgurji iste’molchilarida tabiiy gaz ta’minoti vaqtincha to‘xtatiladi.
Shuningdek, Sergeli tumani “Xonabod” mahallasida yangi qurilgan oilaviy poliklinikani gazlashtirish uchun D-57 millimetr yangi gaz quvurini mavjud D-100 millimetr o‘rta bosim gaz quvuriga ulanadi. Shu munosabat bilan 27-oktabr kuni soat 11:00 dan 18:00 gacha ushbu manzildagi 17 ta ko‘p qavatli uydagi 1337 ta xonadon hamda beshta ulgurji iste‘molchilarida tabiiy gaz ta’minoti vaqtincha to‘xtatiladi.
Mirobod tumani Parvona 1-tor ko‘chasidagi yerusti D-76 millimetr past bosim gaz quvurini harakatdagi gaz quvuriga ulash ishlari amalga oshirilishi sabab 27-oktabr kuni soat 10:00 dan 18:00 ga qadar ushbu manzildagi 16 ta xonadon hamda ikkita ulgurji iste‘molchilarida tabiiy gaz ta‘minoti vaqtincha to‘xtatiladi.
Bundan tashqari, “Chilonzortumangaz” ta’minoti bo‘limi tomonidan Farhod ko‘chasida joylashgan o‘rta bosim D-76 millimetr yerosti gaz quvurini harakatdagi gaz quvuriga ulash ishlari rejalashtirilgan. Shu sababli 27-oktabr kuni soat 11:00 dan 15:00 gacha Berdaq, Afsona, Kattaqozirobod ko‘chalarida hamda 12 ta ulgurji iste’molchilarida tabiiy gaz ta’minoti vaqtincha to‘xtatiladi.
Yangihayot tumani “Olchazor” mahallasi hududida joylashgan kam quvvatli o‘rta bosim gaz taqsimlash punkti o‘rniga ko‘p quvvatli RDBK - 1/25 rusumli GTP o‘rnatish ishlari amalga oshirilishi sabab 27-oktabr kuni soat 11:00 dan 18:00 ga qadar Olmazor 146-ko‘chadagi 105 ta yerli xonadonlarda tabiiy gaz ta’minoti vaqtincha to‘xtatiladi.
Ta’kidlanishicha, ta’mirlash ishlari tugatilgandan so‘ng, tabiiy gaz ta’minoti qayta tiklanadi.
“Hududgaz poytaxt” gaz ta’minoti filiali ta’mirlash ishlari tufayli vaqtincha uzilishlar sabab yetkazilayotgan noqulayliklar uchun aholi va gaz iste’molchilaridan uzr so‘ragan.
Avvalroq O‘zbekistonda oktabr oyida deyarli 4 milliard so‘mlik gazdan noqonuniy foydalanilgani, mamlakat aholisining tabiiy gazdan qarzdorligi 500 milliard so‘mdan oshgani, O‘zbekistonda 2021-yil boshidan buyon qariyb 78 milliard so‘mlik gaz o‘g‘irlangani to‘g‘risida xabar berilgandi.
Izoh (0)