Vashington administratsiyasi Pxenyanga KXDRga nisbatan hech qanday dushmanlik niyatida emasligini ma’lum qilgan va endi Shimoliy Koreya tomonining javobini kutmoqda. Bu haqda Amerika tashqi siyosiy idorasi matbuot xizmati rahbari Ned Praysga tayanib, “TASS” xabar berdi.
“Biz Koreya yarimorolining to‘liq denuklearizatsiyasiga erishishda diplomatiyani eng samarali yo‘l deb hisoblaymiz. Biz KXDRga mamlakatga nisbatan dushmanlik niyatida emasligimizni va u bilan diplomatik aloqalarga tayyor ekanimizni tushunishini aniq bildirdik. Qator bayonotlarimizda buni aniq aytib o‘tdik va endi javob kutyapmiz”, — deydi u.
Shuningdek, tashqi siyosiy idora vakiliga 31-oktabr kuni Glazgoda o‘tkaziladigan BMTning iqlim o‘zgarishi bo‘yicha 26-konferensiyasida AQSh va KXDR vakillari uchrashishi mumkinligi borasida savol berilgan. Prays bu kabi aloqalar borasida “biror-bir rejadan xabardor emasligini” ta’kidlagan.
Avvalroq Shimoliy Koreya Janubiy Koreya bilan aloqalarni to‘liq tiklashga qaror qilgani to‘g‘risida xabar berilgandi. Ma’lum bo‘lishicha, bu tashabbus dastlab Shimoliy Koreya rahbari Kim Chen In tomonidan ilgari surilgan. Janubiy Koreya esa uni qo‘llab-quvvatlagan.
Mavzuga doir: Janubiy Koreya ayrim OAVlarning KXDRda to‘ntarish sodir bo‘lgani to‘g‘risidagi bayonotlarini rad etdi
Izoh (0)