Пол Уокернинг қизи турмушга чиқди, уни меҳроб ёнига Вин Дизель олиб борди. Ижтимоий тармоқ фойдаланувчилари «Форсаж» фильмидан олинган мемларни эслади

Марҳум актёр Пол Уокернинг қизи Мидоу Уокер турмушга чиқди. Уни меҳробга чўқинтирган отаси, оиласининг қадрдон дўсти Вин Дизель олиб борди.

Мидоу Instagram саҳифасига турмуш қуриш лаҳзалари акс этган видео ва фотоларни жойлаган. Маълум бўлишича, Доминиканда бўлиб ўтган тўй пандемия сабаб ихчам ўтказилган. Мидоу турмуш ўртоқ сифатида актёр Луи Торнтон-Алланни танлаган.

Маросимга, шунингдек, «Форсаж»да Мияни гавдалантирган Жордана Брюсетр ҳам ташриф буюрган. «Форсаж»нинг бир неча қисмида бирга суратга тушган Вин Дизель ва Пол Уокер ҳаётда ҳам иноқ дўст бўлган.

Уокер 2013 йил 40 ёшида автоҳалокатда вафот этган. Дўстининг ўлимини қабул қилиши осон бўлмаган Дизель эса 8 йилдан кейин ҳам Полни тез-тез эслаб туради.

https://www.instagram.com/p/CVThGUPlbkS/

Сал аввалроқ Вин Дизель Instagram саҳифасига ўзи ва Уокер гавдалантирган Доминик Торетто ва Брайан ЎКоннернинг суратини жойлаган.

Пол Уокернинг қизининг тўйи ижтимоий тармоқларда кўплаб муҳокамаларга сабаб бўлган. Кўпчилик Доминик Торетто билан боғлиқ, оиланинг нақадар муҳимлиги ҳақидаги мемни эслаган.

Кун фотоси: «Оилангдан юз ўгирмайсан».

Оила бу — ҳамма нарса.

Вин Дизель Пол Уокернинг қизининг тўйида уни меҳроб ёнига олиб борди. Оила ҳақидаги мемлар кулгили бўлиши мумкин, аммо у нафақат фильм, балки ҳаётда ҳам ҳақиқий оилапарвар.